এল অʼ চিত সুৰংগ নিৰ্মাণ কৰিছে দুৰ্ধৰ্ষ সন্ত্ৰাসবাদীয়ে

dainik janambhumi May 23, 2025

ডিজিটেল ডেস্কঃ ভাৰত-পাকিস্তানৰ ভয়ংকৰ সংঘৰ্ষ হোৱাৰ পাছত দুয়োখন দেশে যুদ্ধ-বিৰতি ঘোষণা কৰিছিল। এই যুদ্ধ-বিৰতিৰ মাজতে ভাৰতৰ প্ৰতিৰক্ষা মন্ত্ৰীয়ে ঘোষণা কৰিছিল যে পাকিস্তানৰ সৈতে যুদ্ধৰ এয়া মাথোঁ 'ট্ৰেইলাৰ'হে।

যুদ্ধ-বিৰতিৰ পাছত দুয়োখন দেশৰ মাজত কূটনৈতিক আলোচনা চলি থকাৰ মাজতে নতুন দিল্লী কিন্তু যুদ্ধৰ বাবে হাই এলার্ট হৈ আছে। ইয়াৰ মাজতে শেহতীয়াকৈ পাকিস্তানী সেনা আৰু লস্কৰ-এ টয়বাৰ সন্ত্রাসবাদীয়ে পাক-ভাৰত সীমান্তৰ নিয়ন্ত্ৰণ ৰেখাৰ সমীপত (এল অ'চি) স্থান পৰিদৰ্শন কৰি গ'ল। পাকিস্তানী সেনাৰ বিষয়া আৰু লস্কৰ-এ-টয়বাৰ (এল ই টি) প্রতিনিধিয়ে পাক-অধিকৃত কাশ্মীৰত (পি অ'কে) মিলিত হয়।

শেহতীয়া খবৰ অনুসৰি, এল অ' চিত সুৰংগ নিৰ্মাণৰ কাম ত্বৰান্বিত কৰাৰ বাবে ব্যৱস্থা লোৱা হৈছে। নিউয়র্ক টাইমছে প্রকাশ কৰা অনুসৰি এল অ'চিত সুৰংগ নিৰ্মাণৰ বাবে এল ই টিৰ সন্ত্রাসবাদীক প্ৰেৰণ কৰিছে পাকিস্তানে। ইয়াৰ পাছতেই ভাৰতৰ সীমান্ত সুৰক্ষা বাহিনী (বি এছ এফ) এই ক্ষেত্ৰত তৎপৰ হৈ পৰিছে।

Share This