স্বামীৰ নিৰ্মম অত্যাচাৰ সহিব নোৱাৰি দাৰে হত্যা কৰিলে পত্নীয়ে 

Kakali Deka March 05, 2025

ডিজিটেল ডেস্কঃ বিশ্বনাথত সংঘটিত হ'ল এক চাঞ্চল্যকৰ হত্যাকাণ্ড।পত্নীৰ দাৰ ঘাপত প্ৰাণ গ'ল স্বামীৰ। উল্লেখ্য যে বিশ্বনাথৰ মিজিকাজান চাহ বাগিচাৰ হস্পিটেল লাইনৰ নিৱাসী চন্দন কিষাণক আজি পত্নী অনিশা কিষাণে দাৰে ঘপিয়াই হত্যা কৰে।তাৰ পিছতে স্থানীয় লোকে ঘটনা সন্দৰ্ভত আৰক্ষীক অৱগত কৰে।লগে লগে বিশ্বনাথ আৰক্ষীৰ দল ঘটনাস্থলীত উপস্থিত হৈ হত্যাকাৰী পত্নী অনিশা কিষাণক গ্ৰেপ্তাৰ কৰে আৰু মৃতদেহটো উদ্ধাৰ কৰি মৰণোত্তৰৰ বাবে প্ৰেৰণ কৰে। 

আনফালে হত্যাকাৰী অনিশা কিষাণে সাংবাদিকৰ কেমেৰাৰ সন্মুখতে স্বামীৰ বিৰুদ্ধে বিস্ফোৰক মন্তব্য কৰি কয় যে প্ৰতিদিনে স্বামীৰ নিৰ্মম অত্যাচাৰ সহিব নোৱাৰি এইদৰে তেওঁক হত্যা কৰে। এই হত্যাকাণ্ডই সমগ্ৰ বিশ্বনাথতে চাঞ্চল্যৰ সৃষ্টি কৰিছে।

Share This