সহস্রাধিক চাকৰি প্ৰত্যাশীয়ে প্ৰতিবাদ সাব্যস্ত কৰিলে দিল্লীত

dainik janambhumi August 04, 2025

ডিজিটেল ডেস্ক : ষ্টাফ ছিলেকশ্যন কমিছনে (এছ এছ চি) যোৱা ২৪ জুলাইৰ পৰা ১ আগষ্টলৈকে পর্যায় ১৩ৰ পৰীক্ষা অনুষ্ঠিত কৰিছিল। এই কম্পিউটাৰ-ভিত্তিক পৰীক্ষাৰ সময়ত হঠাতে বাতিল, ছফটৱে'ৰ বেয়া হোৱা, বায় 'মেট্রিক সত্যাসত্য প্রক্রিয়া স্তব্ধ হোৱা আৰু ভুলকৈ পৰীক্ষা কেন্দ্ৰ আবণ্টন আদি বিভিন্ন বিসংগতিৰ সৃষ্টি হৈছিল। 

এছ এছ চিৰ পৰীক্ষাৰ সময়ত হোৱা বিংগতিৰ বাবে চলিত সমগ্র দিল্লীত ব্যাপক প্রতিবাদ সাব্যক্ত কৰে আৰু সামাজিক মাধ্যমত নিজৰ ক্ষোভ উজাৰে। দিল্লীৰ যন্তৰ মন্তৰ আৰু চি জি অ' কমপ্লেক্সত ভাৰতৰ বৃহত্তম নিযুক্তি আয়োগখনৰ পৰা কৈফিয়ৎ বিচাৰি হাজাৰ হাজাৰ চাকৰি প্রত্যাশীয়ে প্রতিবাদ সাব্যস্ত কৰে। 

পৰীক্ষাৰ সময়ত কাৰিকৰী বিজুতি আৰু পৰীক্ষাৰ দিনক লৈ বিভ্রান্তিৰ বিষয়ত চাকৰি প্রত্যাশীসকলে সমগ্র পৰীক্ষা প্ৰক্ৰিয়াটোৰ সম্পূৰ্ণ পর্যালোচনা হোৱাটো বিচাৰে আৰু নিযুক্তি আয়োগখনৰ ব্যৰ্থতাৰ এটা স্বতন্ত্র তদন্ত দাবী কৰে।

Share This