আই চি চি টি-২০ ৰেংকিঙৰ দ্বিতীয় স্থানত তিলক বার্মা

dainik janambhumi January 30, 2025

ডিজিটেল ডেস্ক : ভাৰতৰ প্ৰতিভাশালী বেটাৰ তিলক বার্মা শেহতীয়াকৈ ঘোষিত আই চি চি পুৰুষৰ টি-২০ ৰেংকিঙত বেটিঙৰ তালিকাত দ্বিতীয় স্থানত উপনীত হৈছে।

 আনহাতে, স্পীনাৰ বৰুণ চক্রৱর্তীয়ে ২৫টা স্থান আগুৱাই বলাৰৰ তালিকাত শীর্ষ-৫ত প্রৱেশ কৰিছে। ইংলেণ্ডৰ বিৰুদ্ধে চলিত ৫খনীয়া টি-২০ শৃংখলাৰ প্ৰথম তিনিখন খেলত তিলকে ক্রমে অপৰাজিত ১৯, অপৰাজিত ৭২ আৰু ১৮ ৰানৰ ইনিংছ খেলিছিল। 

বেটাৰৰ তালিকাত বাওঁহতীয়া তিলকে ট্রেভিছ হেডৰ পাছত অৱস্থান কৰিছে। অষ্ট্ৰেলিয়ান হেডে ২৩ পইণ্টৰ অগ্রগতিৰে শীৰ্ষস্থানত আছে। ইফালে, ইংলেণ্ডৰ হাতত ২৬ ৰানত পৰাজিত হোৱা তৃতীয় টি-২০ ক্রিকেটত ২৪ ৰানত ৫টা উইকেট পোৱা বৰুণে শীর্ষ-৫ত অৱস্থান কৰিছে।

Share This