৪০০ কোটি টকা লুটি কলকাতাত আত্মগোপন কৰি আছিল ট্ৰেডিং কেলেংকাৰিৰ খলনায়ক ছাকিৰ আহমেদ

Rashmi March 28, 2025

ডিজিটেল ডেস্কঃ চুমি বৰা-বিশাল ফুকনৰ ট্ৰেডিং কেলেংকাৰিৰ পাছত এইবাৰ পোহৰলৈ আহিছে অসমৰ আন এগৰাকী ট্ৰেডিং কেলেংকাৰিৰ খলনায়কৰ খবৰ। 

ট্ৰেডিং কেলেংকাৰিৰ যেন অন্তই নোহোৱা হৈছে অসমত! এইবাৰ বাতৰিৰ শিৰোনাম দখল কৰিছে বৰাকৰ ছাকিৰ আহমেদে। বৰ্তমান আৰক্ষীৰ জালত ছাকিৰ।

অনলাইন ট্ৰেডিঙৰ নামত ৪০০ কোটি টকা লুটি পলায়ন কৰিছিল ছাকিৰে। কিন্তু আৰক্ষীৰ হাতত ধৰা নপৰিবলৈ নিজৰ ৰূপ সলাইছিল ছাকিৰে। দাড়ি-চুলি দীঘল কৰি কলকাতাত আত্মগোপন কৰি আছিল ছাকিৰে।

বৰাকৰ ভিন্ন প্ৰান্তৰ পৰা ধন সংগ্ৰহ কৰা লুকাই আছিল ছাকিৰ আহমেদ। অনলাইন ট্ৰেডিঙৰ নামত কোটি কোটি টকাৰ প্ৰতাৰণাৰ অভিযোগ ছাকিৰৰ বিৰুদ্ধে। বৰাক ভূমিৰ তিনিখন জিলাত বিয়াগোম কেলেংকাৰিৰ জাল মেলিছিল ছাকিৰে। 

ইয়াৰ পিছত এজন ভুক্তভোগীয়ে বদৰপুৰ থানাত (কেছ নম্বৰ ৪৮/২৫) ১৩জন ব্যক্তিৰ নাম উল্লেখ কৰি এফ আই আৰ দাখিল কৰে। পাছত এই তদন্ত চি বি আইলৈ হস্তান্তৰ কৰা হয়।

যথেষ্ট আৰ্থিক লোকচানৰ পাছতো বহু ভুক্তভোগীয়ে আৰক্ষীৰ ওচৰত অভিযোগ দাখিল কৰিব পৰা নাছিল বুলি জানিব পৰা গৈছে।

ৰাইজৰ ধন লুটি-পুতি খোৱা ছাকিৰে ৰেঞ্জ ৰ'ভাৰ গাড়ীকে ধৰি লাখ লাখ টকীয়া বিলাসী বাহন ক্ৰয় কৰিছিল ছাকিৰে। লোকৰ ধনেৰে এক বিলাসী জীৱন যাপন কৰিছিল বৰাকৰ ছাকিৰে।

অৱশেষত শ্ৰীভূমি আৰক্ষীয়ে ৫৪৩/২০২৪ নম্বৰৰ শ্ব মট’ গোচৰ ৰুজু কৰি ছাকিৰৰ বিৰুদ্ধে তদন্ত আৰম্ভ কৰিছিল। আৰক্ষীয়ে প্ৰৱঞ্চকটোক কলকাতাত ধৰিবলৈ সক্ষম হয়। কলকাতাৰ পৰা শ্ৰীভূমিলৈ লৈ অনা হয় ছাকিৰক।  

ছাকিৰৰ লগতে ছাকিৰৰ সহযোগী ছাকিলকো আৰক্ষীয়ে আটক কৰিবলৈ সক্ষম হয়।

উৎস: প্ৰাগ নিউজ ডিজিটেল
 

Share This