চৰ্চাত ঝাৰখণ্ডৰ এগৰাকী ট্ৰাক ড্ৰাইভাৰ

Kakali Deka January 24, 2025

ডিজিটেল ডেস্ক: হয়, ঝাৰখণ্ডৰ ৰামগড়ৰ এইগৰাকী ব্যক্তিয়ে প্ৰায় ২৫ /২৬ বছৰ‌ ধৰি এজন‌ ট্ৰাক‌ চালক হিচাপে কাম কৰি আহিছে।ট্ৰাকখনেই যাৰ আপোন ঘৰ। যাৰ সংগ্ৰাম আৰু সফলতাৰ কাহিনীয়ে কয় সদিচ্ছা থাকিলে এই পৃথিৱীত সকলো সম্ভৱ।শেহতীয়াকৈ তেওঁ ইউটিউব আৰু ইনষ্টাগ্ৰামত জড়িত হৈ বিশেষ সাফল্য অৰ্জন কৰিবলৈ সক্ষম হৈছে।সৰল আৰু অমায়িক স্বভাৱৰ ব্যক্তি এইগৰাকীৰ নাম ৰাকেশ ৰাৱানী।

সম্প্ৰতি চৰ্চাত ৰাকেশৰ সংগ্ৰাম আৰু সফলতাৰ কাহিনী। ৰাকেশে ২৫ বছৰে ট্ৰাক চলাই আহিছে।এই সময়ত কোনো দুৰ্ঘটনা সংঘটিত নকৰাকৈ সুন্দৰভাবে নিজ কৰ্তব্য পালন কৰি আহিছে তেওঁ। আনহাতে ট্ৰাক চলোৱাৰ উপৰি ৰাকেশ ৰাৱানীয়ে ইতিমধ্যে ইউটিউব আৰু ইনষ্টাগ্ৰামত বহু মনোৰঞ্জনমূলক ভিডিঅ' চেয়াৰ কৰি সকলোৰে পৰা ব্যাপক সঁহাৰি লাভ কৰিবলৈ সক্ষম হৈছে। 

উল্লেখযোগ্য যে ৰাকেশ ৰাৱানীৰ ইউটিউবত ১.২ মিলিয়ন গ্ৰাহকৰ সঁহাৰি লাভ কৰাৰ সমান্তৰালকৈ ইনষ্টাগ্ৰামত ৪.২ লাখ লোকৰ ব্যাপক সঁহাৰি লাভ কৰিছে।ৰাকেশ ৰাৱানীয়ে ৰাকেশ vlog হিচাপে আৰম্ভ কৰা এই ইউটিউব চেনেলতোত এজন
ট্ৰাক ড্ৰাইভাৰৰ দৈনন্দিন জীৱনৰ এখন ছবি দাঙি  ধৰিছে।লগতে ইউটিউবত ট্ৰাকত প্ৰস্তুত কৰা ৰন্ধন প্ৰক্ৰিয়াকে ধৰি পথত ঘটা ঘটনাবোৰৰ বহু ভিডিঅ' ৰাইজৰ মাজত প্ৰকাশ কৰি উলিয়াছে।নিজ পুত্ৰৰ সৈতে চলোৱা এই ইউটিউব চেনেলৰ জৰিয়তে ট্ৰাক ড্ৰাইভাৰগৰাকীয়ে প্ৰতিমাহে কেইবা হাজাৰ টকা উপাৰ্জন কৰি আহিছে।

তদুপৰি যিহেতু‌ ট্ৰাকসমূহ ৰাতিহে প্ৰৱেশ কৰিবলৈ দিয়া হ'য় সেইহে ৰাকেশ ৰাৱানীয়ে নিৰ্ধাৰিত সময়ত গন্তব্য স্থানত উপস্থিত হ'বলৈ কেতিয়াবা টোপনি ক্ষতিও কৰিবলগা হয়।এনেদৰে নিজৰ ট্ৰাকখনকে ঘৰ হিচাপে ধৰি দিন-ৰাতি কষ্ট কৰি আহিছে এইগৰাকী ট্ৰাক ড্ৰাইভাৰে।

Share This