বিশ্বৰ অগ্রণী বিশ্ববিদ্যালয় হাভার্ডক 'জ'ক', শিক্ষকক 'মুর্খ' বুলি অভিহিত ট্রাম্পৰ

dainik janambhumi April 17, 2025

ডিজিটেল ডেস্ক : হোৱাইট হাউছ আৰু আমেৰিকাৰ উচ্চ শিক্ষা বিভাগৰ মাজত ইতিমধ্যে হোৱা যুঁজখন অধিক বৃদ্ধি পাইছে। শেহতীয়াকৈ 'ট্রুথ ছচিয়েল'ত দিয়া এটা পোষ্টত দেশখনৰ অন্যতম গুৰুত্বপূৰ্ণ উচ্চ শিক্ষাৰ প্ৰতিষ্ঠান, হাভার্ড বিশ্ববিদ্যালয়ক সমালোচনাৰ লক্ষ্য কৰি লয় আমেৰিকাৰ ৰাষ্ট্ৰপতি ড'নাল্ড ট্রাম্পে। হাভার্ড বিশ্ববিদ্যালয়ক পুনৰ লক্ষ্য কৰি লৈ ট্রাম্পে বিশ্ববিদ্যালয়খনক 'জ'ক' বুলি অভিহিত কৰে আৰু বিশ্ববিদ্যালয়খনত পঢ়ুওৱা শিক্ষকসকলক 'মুৰ্খ' কয়। 

উল্লেখযোগ্য যে ট্রাম্পে ইয়াৰ আগতে বিশ্ববিদ্যালয়খনলৈ আগবঢ়োৱা প্রায় ১৮ হাজাৰ কোটি টকাৰ পুঁজি বন্ধ কৰে। ট্রাম্পে নিউয়র্ক আৰু ছিকাগোৰ ডেম'ক্রেটিক মেয়ৰ বিল ডি ব্লাছিয়ো আৰু লৰী এলেন লাইটফুটক সমালোচনা কৰি কয় যে বিশ্ববিদ্যালয়খনে নিজৰ পথ হেৰুৱাই পেলাইছে আৰু বিশ্ববিদ্যালয়খনে শিক্ষা প্রদান কৰাতকৈ এখন ৰাজনৈতিক প্রতিষ্ঠান হিচাপেহে কাম কৰি আছে বুলি তেওঁ কয়। নিউয়র্ক তথা ছিকাগোত হাস্যস্পদভাৱে উচ্চ দৰমহা তথা মাননীৰে দেশৰ ইতিহাসৰ আটাইতকৈ অক্ষম মেয়ৰ নিযুক্ত কৰিছে যাতে নগৰপালিকা তথা চৰকাৰক এশিকনি দিব পাৰে। এই দুয়োখন মহানগৰক গোড়া বাওপন্থী 'মুৰ্খ'ই বহুদূৰ পিছলৈ লৈ হৈছে বুলি ট্রাম্পে কয়। তেওঁ কয় যে এতিয়া হাভার্ডে বিশ্বৰ অগ্রণী বিশ্ববিদ্যালয়ৰ তালিকাত স্থান পাব নালাগে।

Share This