ট্রাম্পে চীনৰ বিৰুদ্ধে শুল্ক আৰোপৰ সিদ্ধান্ত লোৱা নাই : উপ-ৰাষ্ট্ৰপতি ভেন্স

dainik janambhumi August 12, 2025

ডিজিটেল ডেস্কঃ ৰাছিয়াৰ পৰা তেল ক্ৰয় কৰাৰ কাৰণে চীনৰ ওপৰত শুল্ক আৰোপ কৰাৰ সন্দৰ্ভত আমেৰিকাৰ ৰাষ্ট্ৰপতি ড'নাল্ড ট্রাম্পে এতিয়াও সিদ্ধান্ত গ্রহণ কৰা নাই। আমেৰিকাৰ উপ-ৰাষ্ট্ৰপতি জে ডি ভেলে এইদৰে কয়। 

ভেন্সে দেওবাৰে ফক্স নিউজ ছানডে'ৰ আগত কয়, 'ৰাষ্ট্ৰপতিয়ে কৈছে যে তেওঁ এই সন্দৰ্ভত চিন্তা কৰি আছে, কিন্তু এতিয়াও দৃঢ় সিদ্ধান্ত গ্রহণ কৰা নাই।' ৰাছিয়াৰ পৰা তেল ক্ৰয় কৰাৰ বাবে ভাৰতৰ বিৰুদ্ধে অতিৰিক্ত শুল্ক আৰোপ কৰাৰ দৰে চীনৰ বিৰুদ্ধেও কৰিব নেকি বুলি সাংবাদিকে সোধা প্রশ্নত ভেন্সে এইদৰে কয়।

তেওঁ কয়, 'চীনৰ সৈতে আমাৰ সম্পৰ্কৰ বাবেই নিশ্চিতভাৱে চীনৰ কথাটো অলপ জটিল; ই আন বহু কথাত প্ৰভাৱ পেলাব, যিবোৰৰ ৰাছিয়াৰ পৰিস্থিতিৰ সৈতে কোনো সম্পর্ক নাই।'

Share This