তেলেংগানাত দুগৰাকী সাংবাদিকক গ্ৰেপ্তাৰ

dainik janambhumi March 14, 2025

ডিজিটেল ডেস্কঃ তেলেংগানাৰ মুখ্যমন্ত্রী ৰেৱন্ত ৰেড্ডীৰ বিৰুদ্ধে কিছুমান অপমানজনক তথ্য প্ৰচাৰ কৰাৰ কথিত অভিযোগত বুধবাৰে তেলেংগানাৰ দুগৰাকী সাংবাদিকক গ্ৰেপ্তাৰ কৰা হয়।

 'পাল্‌ছ নিউজ'ৰ পৰিচালন সঞ্চালক পগাড়ানন্দ ৰেৱতী আৰু একেটা বাতৰি প্ৰতিষ্ঠানৰে সাংবাদিক তনভী যাদৱক মুখ্যমন্ত্ৰীগৰাকীৰ বিৰুদ্ধে কিছুমান অপমানজনক তথ্য প্ৰচাৰ কৰাৰ অভিযোগত গ্ৰেপ্তাৰ কৰা হয়। 

আনহাতে, 'নিপুকোড়ি' নামৰ এটা 'এক্স' একাউন্ট চলোৱা তৃতীয়গৰাকী অভিযুক্তক ভিডিঅ'টো শ্বেয়াৰ কৰাৰ বাবে আটক কৰা হয়। অভিযুক্তকেইজনে অশ্লীল তথ্য বিয়পোৱা, অপৰাধমূলক ষড়যন্ত্র, ঘৃণা উদ্রেককাৰী উপাদান শ্বেয়াৰ কৰি মুখ্যমন্ত্রীজনক অপমানিত আৰু মানহানি কৰিছে বুলি ৰাজ্যিক কংগ্ৰেছৰ সামাজিক মাধ্যমৰ মুৰব্বীজনে অভিযোগ কৰাৰ পাছতেই তেওঁলোকক গ্ৰেপ্তাৰ কৰা হয়।

Share This