১৭ অনূর্ধ্ব ফুটবলৰ ভাৰতীয় দলত অসমৰ দুই খেলুৱৈ

dainik janambhumi September 15, 2025

ডিজিটেল ডেস্ক : শ্রীলংকাত ১৫ ছেপ্টেম্বৰৰ পৰা অনুষ্ঠিত হ'ব লগীয়া ছাউথ এছিয়ান ফুটবল ফেডাৰেশ্যন (ছাফ) গেমছৰ ১৭ বছৰ অনূর্ধ্বৰ ফুটবল চেম্পিয়নশ্বিপত অংশগ্ৰহণ কৰিব লগীয়া ভাৰতীয় দলটোত অসমৰ দুজনকৈ খেলুৱৈ নির্বাচিত হৈছে। 

দুলীয়াজানৰ তথা বৰ্তমান ৰিলায়েঞ্চ য়ং চেম্পছ ফাউণ্ডেশ্যনৰ খেলুৱৈ মানস জ্যোতি বৰুৱা (গ'লৰক্ষক) আৰু শিৱসাগৰৰ তথা বর্তমান ফিফা অল ইণ্ডিয়া ফুটবল ফেডাৰেশ্যন টেলেন্ট একাডেমিৰ খেলুৱৈ ৰিহান আহমেদ ভাৰতীয় দলত (ফৰৱাৰ্ড) অন্তর্ভুক্ত হৈছে। ।

আনহাতে, দুয়োগৰাকী খেলুৱৈয়ে আগন্তুক নৱেম্বৰ মাহত ভাৰতত অনুষ্ঠিত হ'বলগীয়া এ এফ চি কাপ কোৱালিফায়াৰ প্ৰতিযোগিতাতো ভাৰতীয় দলক প্রতিনিধিত্ব কৰিব। উল্লেখযোগ্য যে মানস জ্যোতি বৰুৱাৰ ঘৰ দুলীয়াজানৰ ইন্দ্ৰপুৰী এলেকাৰ নিৱাসী বিকুল বৰুৱা আৰু দুলুমণি বৰুৱাৰ সন্তান আৰু ৰিহান আহমেদ হৈছে শিৱসাগৰৰ আমগুৰি গাঁৱৰ ছিৰাজ উদ্দিন আহমেদ আৰু আৰিফা বেগমৰ পুত্ৰ।

Share This