মহিলা যাত্ৰীক অশ্লীল মেছেজ প্ৰেৰণ কৰি বিপদত পৰিল উবেৰ চালক

Kakali Deka January 30, 2025

ডিজিটেল ডেস্কঃ “সোনকালে আহা বাবু য়াৰ... মন গৈ আছে।” এই আপত্তিজনক মেছেজ এগৰাকী যাত্ৰীলৈ প্ৰেৰণ কৰিলে এগৰাকী উবেৰ চালকে। গ্ৰাহক যাত্ৰীগৰাকী আছিল এগৰাকী মহিলা। মহিলাগৰাকী পেছাত অধিবক্তা।

দিল্লীৰ অধিবক্তা তনয়া শৰ্মাই উবেৰৰ চালকজনৰ অভদ্রতা সন্দর্ভত ছ'চিয়েল মিডিয়াত তেওঁৰ কাহিনী শ্বেয়াৰ কৰে। ইয়াকে লৈ আকৌ এবাৰ মহিলাৰ সুৰক্ষা সন্দৰ্ভত বিতৰ্ক আৰম্ভ হৈছে। তনয়াই কয় যে তেওঁ উবেৰ এপৰ জৰিয়তে কেব বুকিং কৰিছিল, বুকিং কৰাৰ কেইমিনিটমানৰ ভিতৰতে ড্রাইভাৰে তেওঁক অশ্লীল মেছেজ পঠিয়াবলৈ আৰম্ভ কৰে।

এই ঘটনাৰ লগে লগে তনয়াই বুকিং বাতিল কৰি উবেৰ কোম্পানীক অভিযোগ কৰে।

এই কাণ্ড সংঘটিত হৈছিল দিল্লীৰ এটা আড়ম্বৰপূৰ্ণ অঞ্চলত, যাক তনয়াই তেওঁৰ জীৱনৰ আটাইতকৈ বিৰক্তিকৰ অভিজ্ঞতা বুলি অভিহিত কৰিছে। এই বাৰ্তাৰ সৈতে জড়িত স্ক্রীণ শ্বটটোও তেওঁ শ্বেয়াৰ কৰে।

Share This