UPI ব্যৱহাৰকাৰীৰৰ বাবে ডাঙৰ সকাহ! প্ৰবঞ্চকে লুটি নিব নোৱাৰিব ধন

dainik janambhumi May 02, 2025

ডিজিটেল ডেস্কঃ ইউ পি আই পেমেণ্ট কৰা কোটি কোটি ব্যৱহাৰকাৰীৰ বাবে এটা নতুন বৈশিষ্ট্য প্ৰৱৰ্তন কৰা হৈছে। এন পি চি আয়ে প্ৰৱৰ্তন কৰা বৈশিষ্ট্যটো ৩০ জুন তাৰিখৰ ভিতৰত কাৰ্যকৰী কৰা হ’ব। ইয়াৰ পাছত আপোনাৰ পেমেণ্ট আৰু অধিক সুৰক্ষিত হ’ব। NPCI-এ প্ৰৱঞ্চকৰ প্ৰৱঞ্চনা প্ৰতিৰোধৰ বাবে এক পদক্ষেপ গ্ৰহণ কৰিছে । এতিয়া ব্যৱহাৰকাৰীসকলে নতুন বৈশিষ্ট্যৰ সুবিধা লাভ কৰিব পাৰিব ৷

সংবাদ মাধ্যমৰ বাতৰি অনুসৰি, ধন পৰিশোধ কৰাৰ আগতে আপুনি যিজন ব্যক্তিক ধন দিছে তেওঁৰ নাম ম'বাইলত ওলাব। এই নামটো চি বি এছ (কোৰ বেংকিং ছলিউশ্যন) ৰেকৰ্ডত ৰেকৰ্ড কৰা ধৰণে দেখা যাব। ইয়াৰ ফলত ইউ পি আই পেমেণ্টৰ সময়ত প্ৰৱঞ্চনাৰ সম্ভাৱনা নাইকিয়া হ’ব।ফলত ধনখিনি সঠিক ব্যক্তিলৈ ট্ৰেন্সফাৰ হ’ব।

এতিয়া কি নাম দেখা গৈছে?

কিছুমান ইউ পি আই এপে ব্যক্তি আৰু বিক্ৰেতাক পেমেণ্ট এপত নিজৰ নাম সম্পাদনা কৰাৰ বিকল্প দিয়ে। কিছুমান এপে QR ক’ডৰ পৰা নামটো লয়। আগতে এই এপসমূহে যোগাযোগ তালিকাত অন্তৰ্ভুক্ত হোৱা নামসমূহো দেখুৱাবলৈ ব্যৱহাৰ কৰিছিল। এই সকলোবোৰ নাম কোৰ বেংকিং ছলিউশ্যন পঞ্জীয়নভুক্ত নামৰ পৰা পৃথক হ’ব পাৰে।

নতুন নিয়মত কি সলনি হ’ব ?

এন পি চি আইৰ নতুন নিয়ম ব্যক্তিৰ পৰা ব্যক্তিলৈ আৰু P2PMৰ লেনদেন দুয়োটাতে প্ৰযোজ্য হ’ব। P2P লেনদেন হ’ল দুজন মানুহৰ মাজত হোৱা লেনদেন। একে সময়তে P2PM লেনদেন হৈছে ক্ষুদ্ৰ ব্যৱসায়ীৰ সৈতে হোৱা লেনদেন। আপোনাক এটা উদাহৰণ দিবলৈ হ’লে, যদি আপুনি কোনো সাধাৰণ দোকান বা সৰু দোকানৰ মালিকক ধন পৰিশোধ কৰে, তেন্তে ইয়াক P2PM বোলা হয়। আনহাতে যদি আপুনি বন্ধুলৈ ধন ট্ৰেন্সফাৰ কৰে তেন্তে ইয়াক P2P লেনদেন বোলা হয়।

নামটো দেখা দিয়াৰ ধৰণ সলনি হ’ব

সংবাদ মাধ্যমৰ বাতৰি অনুসৰি এই নতুন নিয়মে ধন পৰিশোধ কৰাৰ পদ্ধতি সলনি নকৰে, কিন্তু ইয়াৰ দ্বাৰা নাম প্ৰদৰ্শিত হোৱাৰ ধৰণ সলনি হ’ব। পেমেণ্টৰ পূৰ্বে এপটোত যিটো নাম দেখা যাব সেয়া হ’ব পৰীক্ষিত নাম অৰ্থাৎ বেংকিং ৰেকৰ্ডত পঞ্জীয়ন কৰা নাম। যদি এনেকুৱা হয় তেন্তে ভুল একাউণ্টলৈ ধন ট্ৰেন্সফাৰ হোৱাৰ আশংকা কমি যাব আৰু আপোনাৰ বাবে পেমেণ্ট কৰাত বহুত সহজ হ’ব।

উৎস: প্ৰাগ নিউজ ডিজিটেল

পাকিস্তানৰ বিৰুদ্ধে ভাৰতৰ ‘অপাৰেশ্যন সেন্দূৰ’ শীঘ্ৰেই চিনেমা ৰূপত; কোনে কৰিব অভিনয় ?