মার্কিন ৰাষ্ট্ৰপতি ট্রাম্পৰ মধ্যস্থতা, আজাৰবাইজানু-আর্মেনিয়াৰ শান্তি চুক্তি

dainik janambhumi August 11, 2025

ডিজিটেল ডেস্ক: আমেৰিকাৰ ৰাষ্ট্ৰপতি ড'নাল্ড ট্রাম্পৰ মধ্যস্থতাত যোৱা ৮ আগষ্টত বাশিংটনৰ হোৱাইট হাউছত আজাৰবাইজান আৰু আমেৰিকাৰ মাজত এখন শান্তিচুক্তি সম্পদিত হোৱা বুলি আমেৰিকাৰ চৰকাৰী সূত্ৰৰ তৰফৰ পৰা জনোৱা হৈছে। 

এই চুক্তি অনুসৰি দেশ দুখনে শান্তি আৰু বিবদমান এলেকাত স্থিতাবস্থা বাহাল ৰাখিবলৈ সম্মত হৈছে। লগতে দেশ দুখনে শান্তিপূর্ণভাবে সীমান্ত পুনৰ চিহ্নিতকৰণ, দুয়োখন দেশৰ নিৰাপত্তা ব্যবস্থা সুৰক্ষিত কৰা আৰু বিগত চাৰি দশকৰ উত্তেজনাপূর্ণ অবস্থাক প্রশমিত কৰাৰ বাবে ঐক্যবদ্ধভাবে কাম কৰাৰ ক্ষেত্ৰত এই চুক্তিৰ জৰিয়তে সম্মতি প্রদান কৰিছে। 

উল্লেখযোগ্য যে বিগত ৩৭ বছৰ ধৰি দেশ দুখনৰ মাজত নাগ'ন' আৰু কাৰাবাখ সীমান্তক লৈ বিভিন্ন ধৰণৰ উত্তেজনা-সংঘর্ষ চলি আহিছিল। যোৱা ৮ আগষ্টত হোৱাইট হাউছত আমেৰিকাৰ ৰাষ্ট্ৰপতি ড'নাল্ড ট্রাম্পৰ উপস্থিতিত আজাৰবাইজানৰ ৰাষ্ট্ৰপতি ইলহাম এলিয়েন আৰু আর্মেনিয়াৰ প্রধানমন্ত্রী নিক'ল পাশ্যিন্যেনৰ মাজত হোৱা এই চুক্তিৰ স্বাক্ষৰে দেশ দুখনে সংঘাত অৱসানৰ দিশে আগবাঢ়িছে। এই চুক্তি অনুসৰি আর্মেনিয়াই আমেৰিকাৰ বিশেষ উন্নয়ন অধিকাৰৰ অধীনত জাংগিজুৰ কৰিড'ৰক বিশেষভাৱে উন্নয়ন কৰাৰ অৰ্থে ৯৯ বছৰৰ বাবে দায়িত্ব লোৱাৰ বাবে সম্মতি প্রকাশ কৰে। আমেৰিকাই আর্মেনিয়াৰ পৰা উপ-লীজৰ দ্বাৰা ২৭ মাইল দৈৰ্ঘ্যৰ এই কৰিড'ৰত ৰে'ল, গেছ, তেল, ফাইবাৰ অপ্টিক লাইন আৰু বিদ্যুৎ পৰিবহণ ক্ষেত্ৰত বিশেষভাৱে গুৰুত্ব দি উন্নয়নৰ বাবে কাম কৰিব। 

আজাৰবাইজান-আমেৰিকাৰ মাজত সম্পাদিত এই সুদূৰপ্ৰসাৰী শান্তি চুক্তিয়ে পূব ইউৰোপ আৰু দক্ষিণ-পূব এছিয়া এলেকাৰ উন্নয়নত ইৰান, ৰাছিয়া আৰু চীনৰ প্ৰভাৱমুক্ত হ'ব। উল্লেখযোগ্য যে ভৱিষ্যতে এই জাংগিজুৰ কৰিড'ৰে তুৰস্ক, আজাৰবাইজান আৰু পূব এছিয়াৰ ব্যক্তিৰ যাতায়াত আৰু সামগ্ৰীৰ পৰিবহণৰ অনুমতি দিলে ইৰান আৰু ৰাছিয়াৰ মাজেৰে বৰ্তমানৰ দৰে চলাচল কৰাৰ প্ৰয়োজনীয়তা নোহোৱা হ'ব

Share This