অকস্মাৎ খেলপথাৰত প্ৰৱেশ কৰি ‘কিং’ কোহলীক সাক্ষাৎ এজন অনুৰাগীৰ

Kakali Deka March 23, 2025

ডিজিটেল ডেস্কঃ আৰম্ভ হ’ল আইপিএল ২০২৫ ৷ বেংগালুৰুত অনুষ্ঠিত প্ৰতিযোগিতাখনৰ প্ৰথমখন মেচত মুখামুখি হৈছিল কলকাতা নাইট ৰাইডাৰ্ছ আৰু ৰয়েল চেলেঞ্জাৰ্ছ বেংগালুৰু। উক্ত মেচখনত কলকাতাৰ বিপক্ষে প্ৰায় বিধ্বস্ত হৈ পৰিছিল বেংগালুৰু। কলকাতাৰ এগৰাকী বেটাৰে মেচখনত সংগ্ৰহ কৰা ৰানতকৈও কম ৰান সংগ্ৰহ কৰি বেংগালুৰু লজ্জাজনক পৰাজয়ৰ সন্মুখীন হয়। অৱশেষত ১৭টা বছৰৰ মূৰত এই ব্যথা দূৰ কৰাৰ সুযোগ লাভ কৰিলে আৰচিবিয়ে।

শনিবাৰে ৰয়েল চেলেঞ্জাৰ্ছ বেংগালুৰুৱে কলকাতা নাইট ৰাইডাৰ্ছক পৰাস্ত কৰে। ৰয়েল চেলেঞ্জাৰ্ছ বেংগালুৰুৰ হৈ বিৰাট কোহলীয়ে ৩৬টা বলত সৰ্বাধিক ৫৯ ৰান সংগ্ৰহ কৰে। ইফালে বিৰাট কোহলীৰ এজন অনুৰাগীয়ে খেলপথাৰত প্ৰৱেশ কৰে। আচলতে বিৰাট কোহলীয়ে নিজৰ অৰ্ধশতক সম্পূৰ্ণ কৰাৰ পিছত এজন অনুৰাগীয়ে খেলপথাৰত প্ৰৱেশ কৰে। ইয়াৰ পিছত অনুৰাগীজনে বিৰাট কোহলীৰ ভৰি স্পৰ্শ কৰিলে। বিৰাট কোহলীয়েও অনুৰাগীক সাবটি ধৰিলে।

অৱশ্যে ছ'চিয়েল মিডিয়াত ক্ৰমাৎ ভাইৰেল হৈ পৰিছে বিৰাট কোহলীৰ অনুৰাগীৰ ভিডিঅ’। ইয়াৰ বাহিৰেও ছ’চিয়েল মিডিয়া ব্যৱহাৰকাৰীসকলে ধাৰাবাহিকভাৱে মন্তব্য কৰি নিজৰ প্ৰতিক্ৰিয়া প্ৰকাশ কৰি আছে। আচলতে সেই অনুৰাগীয়ে খেলপথাৰত প্ৰৱেশ কৰাৰ পিছত বিৰাট কোহলীৰ ভৰি চুইছিল। কিন্তু ইয়াৰ পিছত অলপ সময়ৰ ভিতৰতে নিৰাপত্তাৰক্ষীয়ে অনুৰাগীজনক খেলপথাৰৰ পৰা বাহিৰলৈ উলিয়াই দিয়ে।

 

উৎস প্ৰাগ নিউজ ডিজিটেল

Share This