ক্ৰিকেটাৰ অভিষেক শৰ্মা পৰিছিল গভীৰ বিপদত; প্ৰেমিকাৰ আত্মহত্যাৰ কাৰণ আছিল নেকি অভিষেক শৰ্মা?

Kakali Deka February 04, 2025

ডিজিটেল ডেস্কঃ অভিষেক শৰ্মা হৈ পৰিছে সমগ্ৰ ক্রিকেটপ্রেমীৰ নয়নৰ মণি । ইংলেণ্ডৰ বিৰুদ্ধে ৱানখেড়ে ষ্টেডিয়ামত খেলা পঞ্চমখন টি-২০ মেচত তেওঁ বহু ডাঙৰ অভিলেখ ভংগ কৰিছে। ১৩৫ ৰানৰ ধুমুহাময় ইনিংছেৰে তেওঁ সকলোৰে হৃদয় জয় কৰিছিল। এতিয়া অভিষেক শৰ্মাই ভাৰতীয় দলৰ তাৰকা বেটছমেন হিচাপে আত্মপ্ৰকাশ কৰিলেও এটা সময় আছিল যেতিয়া তেওঁ জে'ললৈ যোৱাৰ পৰা সংকীৰ্ণভাৱে সাৰিছিল। আচলতে যোৱা বছৰ এগৰাকী মডেলে আত্মহত্যা কৰিছিল, যেতিয়া আৰক্ষীয়ে তদন্ত আৰম্ভ কৰিছিল তেতিয়া তেওঁলোকে গম পাইছিল যে মডেলগৰাকী অভিষেক শৰ্মাৰ বান্ধৱী।

২০২৪ চনৰ ফেব্ৰুৱাৰী মাহত তনয়া সিং নামৰ মডেল এগৰাকীয়ে আত্মহত্যা কৰিছিল। চুৰাটৰ ঘৰত মৃতদেহ উদ্ধাৰ হৈছিল তনয়াৰ। তদন্তৰ কিছুদিন পাছত পোহৰলৈ আহিল যে ভাৰতীয় ক্ৰিকেটাৰ অভিষেক শৰ্মাৰ সৈতে তনয়াৰ বন্ধুত্বপূৰ্ণ সম্পৰ্ক আছিল। তনয়াই অভিষেকলৈ হোৱাটছএপত কিছু মেছেজ পঠিয়াইছিল, কিন্তু ভাৰতীয় ক্ৰিকেটাৰগৰাকীৰ কোনো সঁহাৰি নাপালে আৰক্ষীয়ে।

বিগত বৰ্ষৰ মাৰ্চ মাহৰ আৰম্ভণিতে আত্মহত্যাৰ গোচৰৰ সোধা-পোছাৰ বাবে অভিষেক শৰ্মালৈ আৰক্ষীয়ে চমন প্ৰেৰণ কৰিছিল। জানিব পৰা মতে অভিষেকৰ জেৰা প্ৰায় ৬ ঘণ্টা ধৰি চলিছিল। অভিষেকক কি কি প্ৰশ্ন কৰা হৈছে সেই সন্দৰ্ভত আৰক্ষীয়ে কোনো তথ্য ৰাজহুৱা কৰা নাছিল। বাৰু, অভিষেকে এই ক্ষেত্ৰত ক্লীনশ্বিট পাইছিল আৰু আই পি এল ২০২৪ত এছ আৰ এইচৰ হৈ খেলিবলৈ আৰম্ভ কৰে ।

বৰ্তমান ভাৰতৰ টি-২০ দলৰ বাবে এজন শক্তিশালী অ’পেনিং বেটছমেন হিচাপে আত্মপ্ৰকাশ কৰিছে অভিষেক শৰ্মাই। এতিয়ালৈকে তেওঁৰ বেটিঙত ধাৰাবাহিকতাৰ অভাৱ ৰেকৰ্ড কৰা হৈছিল। কিন্তু ইংলেণ্ডৰ বিৰুদ্ধে তেওঁ ৫৫.৮০ গড়ৰে ৫টা টি-২০ ইনিংছত ২৭৯ ৰান সংগ্ৰহ কৰে। এই সময়ছোৱাত তেওঁ এটা শতক আৰু এটা অৰ্ধশতকো অৰ্জন কৰে।

 

 

উৎসঃ প্ৰাগ নিউজ ডিজিটেল

Share This