শহুৰেক আৰু দেওৰেকে মিলি চোকা অস্ত্ৰৰে মহিলাক কৰিলে হত্যা ; পাৰিবাৰিক বিবাদৰ বাবেই এই হত্যাকাণ্ড  

Kakali Deka March 27, 2025

ডিজিটেল ডেস্ক : মধ্যপ্ৰদেশৰ গোৱালিয়ৰৰ বাহোদৰপুৰ থানা এলেকাত পাৰিবাৰিক বিবাদৰ বাবে এগৰাকী মহিলাক ছুৰীৰে আঘাত কৰি হত্যা কৰা হয়। মহিলাগৰাকীৰ শহুৰেক আৰু দেওৰেকৰ বিৰুদ্ধে হত্যাৰ অভিযোগ। আৰক্ষীৰ পৰা পোৱা তথ্য অনুসৰি বাহোদৰপুৰ থানা এলেকাৰ ৰবিদাস নগৰৰ বাসিন্দা ভাৰতী জাটাভক ছুৰীৰে আঘাত কৰি হত্যা কৰা হয়। 

হত্যাকাণ্ডৰ কাৰণ পোহৰলৈ অহা মতে, ঘটনাৰ কাৰণ পাৰিবাৰিক বিবাদ। ইয়াৰ পূৰ্বেও দুয়োপক্ষই আৰক্ষীৰ ওচৰত এজাহাৰ দাখিল কৰিছিল।

ঘটনাস্থলীত গৈ আৰক্ষীয়ে সোধা-পোছা কৰাৰ সময়ত ভাৰতীৰ স্বামী সঞ্জয় জাটাভ বৰ্তমান ইন্দোৰ জে'লত আছে বুলি কোৱা হয়। শহুৰেক অতাৰ সিং আৰু দেওৰেক ৰাহুলৰ সৈতে বাস কৰিছিল ভাৰতীয়ে। ঘৰটোক লৈ তেওঁলোকৰ মাজত বিবাদ হৈছিল। ঘৰটোক লৈ হোৱা বিবাদৰ বাবেই হত্যাকাণ্ড সংঘটিত হোৱা বুলি সন্দেহ কৰা হৈছে। 

স্থানীয় ৰাইজে হত্যাকাণ্ডৰ বাবে শহুৰেক অতাৰ সিং আৰু দেওৰেক ৰাহুলক দোষাৰোপ কৰিছে। ভাৰতীৰ এজন আত্মীয়ই জনোৱা মতে, তেওঁক ফ'নযোগে ঘটনাৰ বিষয়ে অৱগত কৰা হয় আৰু সেই স্থানত উপস্থিত হোৱাৰ সময়লৈকে ভাৰতীৰ মৃত্যু হয়। শহুৰেক আৰু দেউতাকৰ লগত সম্পত্তিৰ সন্দৰ্ভত ভাৰতীৰ বিবাদ হৈছিল। এই হত্যাকাণ্ডৰ আঁৰৰ কাৰণ এইটোৱেই বুলি সন্দেহ কৰা হৈছে।

উল্লেখ্য যে ৰাহুলক আৰক্ষীয়ে জিম্মাত লৈ জেৰা অব্যাহত ৰাখিছে। এই হত্যাকাণ্ডৰ আঁৰৰ মূল কাৰণ ঘৰৰ বিবাদ নে আন কিবা আছিল সেই তদন্ত অব্যাহত ৰাখিছে আৰক্ষীয়ে। ঘৰৰ ভিতৰতে এই ঘটনা সংঘটিত হৈছিল। আৰক্ষীৰ দলটোৱে ঘটনাস্থলীত উপস্থিত হৈ পৰিস্থিতিৰ বুজ লয় আৰু মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে। এই বিষয়ত ওচৰৰ লোকসকলকো জেৰা কৰা হৈছে।

Share This