মহিলা টি-২০ বিশ্ব কাপত খিতাপ দখল ভাৰতৰ 

Kakali Deka February 02, 2025

ডিজিটেল ডেস্ক: এক ঐতিহাসিক জয় পঞ্জীয়ন ভাৰতৰ। ভাৰতে দ্বিতীয়বাৰৰ বাবে ১৯ বছৰ অনূৰ্ধ্বৰ মহিলা টি-২০ বিশ্ব কাপত জয়লাভ কৰিছে । ১৯ বছৰ অনূৰ্ধ্বৰ মহিলা টি-২০ বিশ্ব কাপত ভাৰতৰ এয়া জয়ধ্বজা। দেশে লাভ কৰিলে দ্বিতীয়টো টি-২০ বিশ্ব কাপ জয়ৰ স্বাদ। চূড়ান্ত খেলখনত ভাৰতীয় দলটোৱে দক্ষিণ আফ্ৰিকাক ৯ উইকেটত পৰাস্ত কৰে । মালয়েছিয়াত অনুষ্ঠিত ১৯ অনূৰ্ধ্ব মহিলা টি-২০ বিশ্ব কাপত অপ্ৰতিৰোধ্য গতিৰে আজি ভাৰতীয় দলে দখল কৰিছে খিতাপ।

উল্লেখযোগ্য যে কুৱালালামপুৰৰ বায়ুমাছ অ’ভেলত দেওবাৰে ভাৰত আৰু দক্ষিণ আফ্ৰিকাৰ মাজত অনুষ্ঠিত হয় আই চি চি মহিলা টি-২০ বিশ্বকাপৰ চূড়ান্ত খেলখন । দক্ষিণ আফ্ৰিকাই টছত জয়লাভ কৰি বেটিং কৰাৰ সিদ্ধান্ত লয় আৰু ২০ অ'ভাৰত ৮২ ৰান সংগ্ৰহ কৰি অল আউট হয় । ইয়াৰ প্ৰত্যুত্তৰত ভাৰতীয় দলটোৱে ১১.২ অ'ভাৰত ১ উইকেটৰ বিনিময়ত ৮৪ ৰান সংগ্ৰহ কৰি মেচখন জয়ী হয় । 

ইতিপূৰ্বে ভাৰতে ২০২৩ চনত অনুষ্ঠিত হোৱা বিগত সংস্কৰণতো শ্ৰেষ্ঠত্ব অৰ্জন কৰিছিল।ভাৰতৰ এই খিতাপ জয়ৰ নায়ক আছিল তাৰকা অলৰাউণ্ডাৰ গোংগাড়ি তৃষা ৷ নিকি প্ৰসাদৰ নেতৃত্বত ভাৰতীয় দলটোৱে দক্ষিণ আফ্ৰিকাক পৰাস্ত কৰি একেৰাহে দ্বিতীয়বাৰৰ বাবে এই খিতাপ দখল কৰে।

Share This