বিশ্ব কাপ জয় কৰিলে মহিলা দলক পুৰুষ দলৰ সমান পুৰস্কাৰ

dainik janambhumi November 02, 2025

ডিজিটেল ডেস্ক : ভাৰতীয় মহিলা ক্রিকেট দলটোৱে আজি দক্ষিণ আফ্রিকাৰ বিৰুদ্ধে মহিলা এদিনীয়া বিশ্ব কাপৰ খিতাপ জয় কৰিব পাৰিলে বি চি চি আয়ে দলটোক বৃহৎ পৰিমাণৰ নগদ ধনেৰে পুৰস্কৃত কৰিব পাবে। বিচি চি আয়ে মহিলা দলটোক টি-২০ বিশ্ব কাপ বিজয়ী পুৰুষ দলৰ সমান পৰিমাণৰ নগদ ধনেৰে পুৰস্কৃত কৰাৰ কথা বিবেচনা কৰি আছে। জানিব পৰা মতে, বি চি চি আইৰ জ্যেষ্ঠ বিষয়ববীয়াসকলে ব'র্ডৰ প্রাক্তন সচিব তথ্য বর্তমান আই চি চিব অধ্যক্ষ জয় শ্বাহৰ 'সমান বেতন' নীতি অনুসৰণ কৰাৰ কথা বিবেচনা কৰি আছে। 

ইয়াৰ অধীনত মহিলা দলটোৱে বিশ্ব কাপ জয় কৰিলে পুৰুষৰ টি-২০ বিশ্ব কাপ জয় কৰা দলটোক দিয়াৰ সমান পৰিমাণৰ নগদ ধনৰ পুৰস্কাৰ দিব। উল্লেখযোগ্য যে ৰোহিত শৰ্মাৰ নেতৃত্বত ভাৰতীয় ক্রিকেট দলটোৱে দক্ষিণ আফ্রিকাক পৰাজিত কৰি টি-২০ বিশ্ব কাপ জয় কৰিছিল। ৰোহিতৰ নেতৃত্বৰ চেম্পিয়ন দলটো আৰু ইয়াৰ সহযোগী ষ্টাফলৈ বি চি চি আয়ে ১২৫ কোটি টকাৰ নগদ ধনৰ পুৰস্কাৰ আগবঢ়াইছিল। 

বি চি চি আইৰ এজন বিষয়ববীয়াই কয় যে ব'র্ডে পুৰুষ আৰু মহিলাৰ বাবে সমান বেতনৰ নীতিক সমর্থন কৰে। সেয়েহে, মাহিলা দলটোৱে বিশ্ব কাপ জয় কৰিলে পুৰস্কাৰৰ ধন পুৰুষ দলৰ সৈতে সমান হ'ব বুলি চর্চিত হৈছে। কিন্তু বিশ্ব কাপ জয় কৰাৰ আগতেই বি চি চি আয়ে এই কথা ঘোষণা কৰিবলৈ বিচৰা নাই, কিয়নো ই ভাল কথা নহয়। 

উল্লেখযোগ্য যে ২০১৭ চনৰ বিশ্ব কাপত ভাৰতীয় মহিলা দলটো ফাইনেলত ইংলেণ্ডৰ হাতত ৯ ৰানত পৰাজিত হৈছিল। সেইবাৰ বি চি চি আয়ে মহিলা ক্রিকেট। দলটোক ৫০ লাখ টকাৰ নগদ ধনেৰে পুৰস্কৃত কৰিছিল।

Share This