মহিলা বিশ্ব কাপত ধনৰ জোৱাৰ

dainik janambhumi September 02, 2025

ডিজিটেল ডেস্ক : দীর্ঘ ১২ বছৰৰ অন্তত ভাৰতৰ মাটিত পুনৰ অনুষ্ঠিত হ'ব মহিলাৰ এদিনীয়া বিশ্ব কাপ। ইয়াৰ লগতে এইবাৰ বিশ্ব কাপৰ পুৰস্কাৰ মূল্যও ২৯৭ শতাংশ বৃদ্ধি পাইছে। সেই অনুসৰি এইবাৰ বিশ্ব কাপৰ মুঠ প্রাইজমানি হ'ল ১২২.৫ কোটি টকা। প্রতিটো পৰ্যায়তে পুৰস্কাৰৰ ধন বৃদ্ধি কৰা হৈছে। ইফালে, যোৱাবাৰ মহিলাৰ এদিনীয়া বিশ্ব কাপৰ মুঠ পুৰস্কাৰৰ ধন আছিল ৪২ কোটি টকা। এইবাৰ প্রায় তিনিগুণ বৃদ্ধি কৰা হৈছে। সেই মতে, বিশ্ব কাপৰ বিজয়ী দলটোৱে লাভ কৰিব ৩৯ কোটি ৫৫ লাখ টকা। যোৱাবাৰৰ তুলনাত ২৩৯ শতাংশ বৃদ্ধি পাইছে। ৰানাৰ আপৰ দলটোৱে পাব ১৯ কোটি ৭৮ লাখ টকা। ফাইনেলত পৰাজিত দলটোরে যোৱাবাৰৰৰ তুলনাত ২৭৩ শতাংশ অধিক ধন লাভ কৰিব। 

ইফালে, মহিলা বিশ্ব কাপৰ ছেমি ফাইনেলত প্ৰৱেশ কৰা চাৰিটা দলে প্রত্যেকেই পাব ৯.৮৮ কোটি টকা। যোৱাবাৰৰ তুলনাত ২৭২ শতাংশ বৃদ্ধি। পঞ্চম আৰু ষষ্ঠ স্থানত শেষ কৰা দলে ৬ কোটি টকাকৈ পাব। সপ্তম আৰু অষ্টম স্থানত ৰোৱা দলে ২ কোটি ৪৭ লাখ টকাকৈ লাভকৰিব। বিশ্ব কাপলৈ যোগ্যতা অর্জন কৰা প্ৰতিটো দলকে দিয়া হ'ব ২ কোটি ২০ লাখ টকাকৈ। বিশ্ব কাপৰ গ্ৰুপ পর্বত এখন মেচ জিকিলে ৩০ লাখ টকাকৈ পাব দলসমূহে। যোৱাবাৰৰ তুলনাত সেই টকা বৃদ্ধি পাইছে ৩৭শতাংশ। 

উল্লেখযোগ্য যে ৩০ ছেপ্টেম্বৰত আৰম্ভ হ'ব এইবাৰৰ মহিলা বিশ্ব কাপ। যদিও ভাৰত আয়োজক দেশ, পাকিস্তানে নিজৰ সকলো মেচ শ্রীলংকাত খেলিব। গুৱাহাটীত ভাৰত-শ্রীলংকাৰ মাজৰ খেলেৰে আৰম্ভ হ'ব বিশ্ব কাপ। ৰাউণ্ড ৰবীন ফৰমেটত হ'ব খেল। অর্থাৎ ৮টা দলে প্রত্যেকেই প্রত্যেকৰ বিৰুদ্ধে খেলিব। প্রতিটো দলে গ্রুপ পর্যায়ত ৭খন খেল খেলিব লাগিব। পইণ্টৰ ভিত্তিত ৪টা দলে ছেমি ফাইনেলত প্ৰৱেশ কৰিব। প্রতিযোগিতাৰ ফাইনেল হ'ব ২ নৱেম্বৰত।

Share This