২১, ২২ মে'ত অসম বিধানসভাৰ অধিৱেশন

dainik janambhumi May 13, 2026

ডিজিটেল ডেস্ক: ষষ্ঠদশ অসম বিধানসভালৈ নির্বাচিত সদস্যসকলৰ শপতগ্ৰহণৰ বাবে অহা ২১ আৰু ২২ মে'ত দুদিনীয়াকৈ বিধানসভাৰ অধিৱেশন অনুষ্ঠিত হ'ব। 

বিধানসভালৈ নির্বাচিত জ্যেষ্ঠ কোনো সদস্যক প্রটেম অধ্যক্ষ নিযুক্তি দিব ৰাজ্যপালে। প্রটেম অধ্যক্ষই নৱ-নির্বাচিত সদস্যসকলক পদ আৰু গোপনীয়তাৰ শপত বাক্য পাঠ কৰাব। বিধানসভাৰ সদস্যসকলে শপত লোৱাৰ পাছত ষষ্ঠদশ অসম বিধানসভাৰ অধ্যক্ষ আৰু উপাধ্যক্ষ নিৰ্বাচনৰ আনুষ্ঠানিকতা সম্পন্ন হ'ব। 

উল্লেখযোগ্য যে সোমবাৰে মুখ্যমন্ত্রী ড° হিমন্ত বিশ্ব শর্মাই সামাজিক মাধ্যমযোগে প্রাক্তন অধ্যক্ষ ৰঞ্জিত কুমাৰ দাসকে পুনৰ অধ্যক্ষৰ দায়িত্ব দিয়াৰ কথা সদৰী কৰিছিল। অৱশ্যে, বিধানসভাৰ উপাধ্যক্ষ পদ কাক দিয়া হ'ব সেই কথা ৰাজহুৱা কৰা হোৱা নাই।

Share This