নিগনি খেদাৰ ৫টা সহজ টিপছ 

Rashmi March 22, 2025

ডিজিটেল ডেস্কঃ ৰাতি পাকঘৰত অদ্ভুত শব্দ শুনা যায় নেকি? খাদ্য সামগ্ৰীত সৰু সৰু দাঁতৰ দাগ দেখা যায় নেকি? আলমাৰি খোলাৰ লগে লগে কিবা এটা পলাই যোৱা দেখা পায় নেকি? যদি হয়, তেন্তে বুজি লওক যে আপোনাৰ ঘৰত নিগনিয়ে শিবিৰ পাতিছে! এই সৰু অথচ দুষ্ট জীৱবিধে আপোনাৰ বস্তুবোৰৰ ক্ষতি কৰাই নহয়, গুৰুতৰ ৰোগ বিয়পাব পাৰে। 

বেছিভাগ মানুহেই সিহঁতক হত্যা কৰিবলৈ ফান্দ, বিষ বা আন পদ্ধতি ব্যৱহাৰ কৰে, কিন্তু যদি হিংসাৰ সলনি আপুনি এনে এটা সমাধান বিচাৰে যাৰ দ্বাৰা নিগনিবোৰ মৰি নেপেলোৱাকৈ ঘৰৰ পৰা আঁতৰাই পঠাব পাৰি,, তেন্তে আমি আপোনালোকৰ বাবে লৈ আহিছোঁ ৫টা সহজ আৰু ফলপ্ৰসূ ঘৰুৱা উপায়।

পদিনাঃ নিগনিয়ে তীব্ৰ গোন্ধযুক্ত বস্তু একেবাৰেই ভাল নাপায়, আৰু পদিনা ইহঁতৰ আটাইতকৈ ডাঙৰ শত্ৰু। কপাহী বলত পদিনা তেল কেইটোপালমান দি নিগনিৰ পথৰ ওচৰত, দুৱাৰৰ ওচৰত বা আলমাৰিত ৰাখিব। ইয়াৰ উপৰি পানীত পদিনা তেল কেইটোপালমান দি ঘৰৰ চুকত ছটিয়াই স্প্ৰে প্ৰস্তুত কৰিব পাৰে। এই দ্ৰৱটোৱে নিগনিবোৰক আঁতৰাই ৰখাই নহয়, ঘৰখনক সতেজ সুগন্ধিও দিয়ে।

শুকান জলকীয়াঃ আপুনি কেতিয়াবা ভাবিছেনে শুকান জলকীয়াৰ পৰা নিগনি কিয় আঁতৰত থাকে? আচলতে ইয়াত থকা মৌলবোৰে সিহঁতৰ চকু আৰু নাকত বিষৰ সৃষ্টি কৰিব পাৰে। নিগনি লুকাই থকা ঠাই আৰু বাটত শুকান জলকীয়াৰ গুড়ি ছটিয়াই দিব। ইচ্ছা কৰিলে পানীৰ লগত মিহলাই স্প্ৰে বনাব পাৰে আৰু নিগনিয়ে সঘনাই অহা ঠাইত ছটিয়াই দিব পাৰে। 

কৰ্পূৰঃ কৰ্পূৰৰ প্ৰচণ্ড গোন্ধে পৰিৱেশ শুদ্ধ কৰাই নহয়, নিগনিও খেদি পঠিয়ায়। কৰ্পূৰ টেবলেট কেইটামান লৈ ঘৰৰ চুকত ৰাখি বা পানীত ভৰাই ছটিয়াই দিব। 

নেমু আৰু কমলাৰ বাকলিঃ আপুনি জানেনে যে নিগনিয়ে ছাইট্ৰাছ ফলৰ গোন্ধ অপচন্দ কৰে? নেমু আৰু কমলাৰ বাকলি শুকুৱাই সৰু সৰুকৈ কাটি নিগনিৰ ৰাস্তাত থৈ দিব। ইয়াৰ ফলত নিগনিবোৰ আঁতৰি থকাই নহয়, ঘৰত প্ৰাকৃতিক গোন্ধ এটাও থাকিব।

এমোনিয়াঃ
এমোনিয়াৰ গোন্ধে নিগনিক বিপদৰ অনুভৱ কৰায়, যাৰ ফলত নিগনি পলাই যায়। পানীত অলপ পৰিমাণৰ এমোনিয়া মিহলাই স্প্ৰে বটলত ভৰাই নিগনিৰ গুহাৰ ওচৰত ছটিয়াই দিব। এমোনিয়াৰ গোন্ধ মানুহৰ বাবে অলপ কঠোৰ হ’ব পাৰে, গতিকে ইয়াক ব্যৱহাৰ কৰাৰ সময়ত খিৰিকী-দুৱাৰ খোলা ৰাখক।

উৎস: প্ৰাগ নিউজ ডিজিটেল
 

Share This