দেশৰ শোধনাগাৰত খাৰুৱা তেলৰ নাটনি

dainik janambhumi September 18, 2026

ডিজিটেল ডেস্ক : মধ্য প্রাচ্যৰ যুদ্ধৰ প্ৰভাৱ আৰু ৰাছিয়াৰ ৰাছিয়াৰ পৰা তেল ক্ৰয় কৰাক লৈ ভাৰতৰ বৃহৎ তেল শোধনকাৰী কোম্পানীসমূহৰ মাজত গভীৰ অনিশ্চয়তাৰ সৃষ্টি হৈছে। আমেৰিকাই ৰাছিয়াৰ তেল ক্ৰয়ৰ ওপৰত কঠোৰ নিষেধাজ্ঞা আৰোপ কৰাৰ সম্ভাৱনা প্রকট হোৱাৰ ফলত ভাৰতীয় তেল শোধনকাৰী কোম্পানীসমূহে বিগত কেইবামাহৰ ভিতৰত আটাইতকৈ বৃহৎ যোগান সংকটৰ সন্মুখীন হৈছে যোৱা ফেব্ৰুৱাৰী মাহৰ শেষৰ পৰা হৰমুজ প্রণালীয়েদি তেল যোগান ব্যাহত হৈ আছে। ইয়াৰ উপৰি ইৰান সমৰ্থিত ইৰানৰ য়েমেনৰ হুথী বিদ্রোহীয়ে ড্র'নেৰে আক্ৰমণ কৰা বাবে ছৌডি আৰবে তেওঁলোকৰ গুৰুত্বপূৰ্ণ 'ইষ্ট-ৱেষ্ট' তেল পৰিবাহী পাইপলাইন বন্ধ কৰিবলৈ বাধ্য হৈছে। ইয়াৰ ফলত ভাৰতৰে দৈনিক ৪ লাখ বেৰলতকৈ অধিক তেলৰ যোগান শৃংখল ব্যাহত হৈছে। 

 

শেহতীয়াকৈ পোৱা বাতৰি মতে, ছৌডি আৰবৰ বৃহৎ তেল কোম্পানী আৰামকোই পৰৱৰ্তী জাননী নিদিয়ালৈকে ভাৰতীয় তেল শোধনকাৰী কোম্পানীসমূহক তেল যোগান বন্ধ কৰিছে। ভাৰতীয় তেল শোধনকাৰী কোম্পানীবোৰলৈ ইতিমধ্যে তেল যোগান ব্যাহত হোৱাৰ সময়তে ছৌডিৰ তেল কোম্পানীটোৰ এই সিদ্ধান্তই ভাৰতত খাৰুৱা তেলৰ সংকট বৃদ্ধি কৰিব। ছৌডিৰ খাৰুৱা তেল হৈছে ভাৰতীয় শোধনাগাৰৰ বাবে এটা গুৰুত্বপূৰ্ণ উৎস। মধ্য প্রাচ্যত যুদ্ধ আৰম্ভ হোৱাৰ পৰা ভাৰতে ইয়াৰ ন শতাংশ খাৰুৱা তেল ছৌডিৰ পৰা আমদানি কৰি আছিল। আনহাতে, বুধবাৰে ব্ৰেণ্ট খাৰুৱা তেলৰ দাম প্রতি বেৰলত ১০৮ ডলাৰলৈ বৃদ্ধি পাইছে। ইফালে, আমেৰিকাৰ ৰাষ্ট্ৰপতি ড'নাল্ড ট্রাম্পে ভাৰতৰ বিৰুদ্ধে নতুন শুল্ক ঘোষণা কৰাৰ সম্ভাৱনা প্রকট হোৱাৰ সময়তে ভাৰতীয় তেল কোম্পানীবোৰে অন্য উৎসৰ পৰা তেল ক্ৰয় কৰিবলৈ বাধ্য হ'ব। 

 

বর্তমান ভাৰতে ৰাছিয়াৰ পৰা কম দামত তেল ক্ৰয় কৰি আছিল, যিয়ে দেশৰ আমদানি ব্যয় নিয়ন্ত্ৰণত ৰাখিছিল। ভাৰত বৰ্তমান ৰাছিয়াৰ খাৰুৱা তেলৰ শীৰ্ষ ক্রেতা। বৰ্তমানৰ অনিশ্চয়তাৰ বাবে ভাৰতীয় তেল শোধনকাৰী কোম্পানীবোৰে আমেৰিকা, ব্রাজিল, কানাডা, ভেনিজুৱেলাৰ পৰা অতিৰিক্ত তেল আমদানিৰ বাবে চেষ্টা চলাইছে যদিও ইয়াৰ বাবে অধিক ব্যয় কৰিব লগা হ'ব। আনহাতে, ভাৰতত খাৰুৱা তেলৰ ভাণ্ডাৰ ক্ৰমাগতভাৱে হ্রাস পাই আছে। কেপ'লাৰৰ মতে, যোৱা ১৪ ছেপ্টেম্বৰৰ হিচাপ অনুসৰি ভাৰতৰ খাৰুৱা তেলৰ ভাণ্ডাৰ ৯৩.৫ মিলিয়ন (৯.৩৫ কোটি) বেৰললৈ হ্রাস পাইছে। এয়া হৈছে ভাৰতৰ ২০ দিনৰ আমদানিৰ সমান। আনহাতে, ভাৰতে ৰাজস্থানত ১,৮০,০০০ বেৰল খাৰুৱা তেল শোধনৰ ক্ষমতাসম্পন্ন তেল শোধনাগাৰ আৰম্ভ কৰিছে। তদুপৰি, ইণ্ডিয়ান অইল কৰ্প'ৰেশ্যনৰ নিজা প্লেন্টসমূহ সম্প্ৰসাৰণ কৰি থকাৰ সময়তে দেশত খাৰুৱা তেলৰ চাহিদা অধিক বৃদ্ধি পাইছে।

Share This