মাৰ্ঘেৰিটাৰ পৰা ৰহস্যজনকভাৱে নিৰুদ্দিষ্ট এজন সেনা জোৱান

Rashmi August 07, 2025

ডিজিটেল ডেস্ক: কৰ্তব্যৰ বাবে আইতাকৰ ঘৰৰ পৰা ওলাই আহিয়ে ৰহস্যজনকভাৱে সন্ধানহীন হ'ল ৰাইফলছৰ জোৱান সন্দীপ গুৰুং। 

শোণিতপুৰ জিলাৰ লখৰাৰ চেনাইপাম নামৰ গাঁওখনৰ নিবাসী যোৱা ০৫ আগষ্টত আসাম ৰাইফলছৰ জোৱান সন্দীপ গুৰুং । মাৰ্ঘেৰিটাৰ মাকুমকিল্লাত থকা আইতাকৰ গৃহলৈ আহিছিল তেওঁ । জোৱান জনে পিছদিনা পুৱাই নিজ কৰ্তব্যৰত স্থান চাংলাং লৈ বুলি ৰাওনা হয় । 

সেই দিনাৰ পৰাই অসম ৰাইফলছৰ ৩১ নং ৰেজিমেণ্টৰ জোৱান সন্দীপ গুৰুং নিজ কৰ্তব্যত উপস্থিত হোৱা নাই আৰু এই পৰ্যন্ত নিৰুদ্দেশ হৈ আছে । 

উল্লেখযোগ্য যে  অসম ৰাইফলছৰ  5025379 নম্বৰ চাৰ্ভিছ হোল্ডাৰ হাবিলদাৰ সন্দীপ গুৰুঙৰ পৰিয়ালবৰ্গ মাৰ্ঘেৰিটাত উপস্থিত হৈ বিভিন্ন স্থানৰ CCTV ফুটেজ সংগ্ৰহ কৰে  আৰু এঠাইৰ ছবিত স্পষ্টকৈ ওলাই পৰিছে ৷

আজি পৰিয়ালবৰ্গই মাৰ্ঘেৰিটা আৰক্ষী থানাত এখন নিৰুদ্দেশ হোৱাৰ এজাহাৰ দাখিল কৰিছে।
সুন্দৰ সুঠাম সেনা জোৱানজনৰ মোবাইল ফোন বৰ্তমানেও চুইচ অফ হৈ আছে ৷ যদি কোনোৱা সদাশয় ব্যক্তিয়ে সন্দীপ গুৰুঙক দেখা পায় বা সন্ধান লাভ কৰে তেন্তে 8099747513
আৰু 6909075624 নম্বৰত যোগাযোগ কৰিবলৈ পৰিয়াল বৰ্গই আহ্বান জনাইছে ৷


উৎস : প্ৰাগ নিউজ ডিজিটেল

Share This