সলনি কৰা হৈছে ডিজিটেল লেনদেনৰ নিয়ম

Rashmi February 04, 2025

ডিজিটেল ডেস্ক: বেংকিং আৰু ডিজিটেল লেনদেনৰ ক্ষেত্ৰত সলনি হ'ল ভালেকেইটা নিয়ম। যিবোৰ নিয়মে দেশৰ সাধাৰণ নাগৰিকৰ দৈনন্দিন জীৱনধাৰাত প্রভাৱ পেলাব।এ টি এমৰ পৰা ধন উলিওৱাৰ ক্ষেত্ৰত ধাৰ্য কৰা হৈছে কেতবোৰ নতুন নিয়ম।ডিজিটেল লেনদেনৰ নিৰাপত্তা সুনিশ্চিত কৰাৰ বাবেই এনে নিয়ম কৰা হৈছে।নিয়মসমূহ হৈছে এতিয়াৰে পৰা এদিনত এজন গ্রাহকে এ টি এমৰ পৰা সর্বোচ্চ ৫০ হাজাৰ টকাহে উলিয়াব পাৰিব।এজন গ্রাহকে প্রতি মাহত মাত্র তিনিবাৰহে এ টি এমৰ পৰা বিনামূলীয়াকৈ ধন উলিয়াব পাৰিব।এই নিয়ম উলংঘা কৰি যদি কোনো গ্রাহকে অতিৰিক্তভাৱে‌ এ টি এমৰ পৰা ধন উলিয়ায় তেন্তে প্রতিবাৰতে গ্রাহকজনৰ একাউণ্টৰ পৰা ২৫ টকাকৈ কৰ্তন কৰা হ'ব।

আনহাতে যদিহে নিজৰ বেংকৰ সলনি আন বেংকৰ পৰা ধন উলিয়াবলৈ যায়,তেন্তে প্রতিবাৰতে ৩০ টকাকৈ ভৰিব লাগিব।ইয়াৰোপৰি এতিয়াৰে পৰা ষ্টেট বেংক অব্ ইণ্ডিয়াৰ গ্ৰাহকসকলৰ ছেভিংচ একাউণ্টত ন্যূনতম বেলেঞ্চ পূৰ্বৰ ৩০০০ টকাৰ সলনি ৫,০০০ টকা থাকিব লাগিব।কানাড়া বেংকত ন্যূনতম বেলেঞ্চৰ সীমা ১০০০ টকাৰ পৰা বৃদ্ধি কৰি আঢ়ৈ হাজাৰ টকা কৰা হৈছে।একেদৰে ইউ পি আই ব্যৱহাৰকাৰীসকলে কেবল বর্ণানুক্রমিক আখৰ ব্যৱহাৰ (যেনে- @, #, $, আদি) কৰি নিজৰ আই ডি প্রস্তুত কৰি ল'ব লাগিব।

Share This