অষ্ট্ৰেলিয়াৰ জয়যাত্ৰা অব্যাহত

dainik janambhumi October 26, 2025

ডিজিটেল ডেস্ক : লেগ স্পীনাৰ এলেনা কিঙৰ (৭-১৮) বিধ্বংসী তথা কেৰিয়াৰ শ্ৰেষ্ঠ বলিঙৰ সহায়ত দক্ষিণ আফ্রিকাক কালি আই চি চি মহিলা বিশ্ব কাপৰ এখন খেলত সহজেই ৭ উইকেটত পৰাজিত কৰে অষ্ট্ৰেলিয়াই। 

খেলখনত প্রথমে বেট ধৰি দক্ষিণ আফ্রিকাই কিঙৰ বলিঙত তিষ্ঠিব নোৱাৰি ২৪ অভাৰত মাথোঁ ৯৭ ৰানত কেউটা উইকেট হেৰুৱায়। দক্ষিণ আফ্ৰিকাৰ হৈ অধিনায়কা ল'ৰা উলভার্ট (৩১), ছিনালো জাফটা (২৯) আৰু নাডিন ডে ক্লার্কে (১৪) দুটা অংকৰ ৰান গোটাবলৈ সক্ষম হয়। 

প্রত্যুত্তৰত অষ্ট্ৰেলিয়াই ১৬.৫ অ'ভাৰতে তিনিটা উইকেট হেৰুৱাই ৯৮ ৰান কৰি জয়লাভ কৰে। দলৰ হৈ জর্জিয়া ভলে অপৰাজিত ৩৮ আৰু বেথ মুনীয়ে ৪২ ৰান কৰি দললৈ জয় কঢ়িয়াই আনে। এই জয়েৰে ডিফেণ্ডিং চেম্পিয়ন অষ্ট্ৰেলিয়াই পইন্ট তালিকাত শীর্ষ স্থান অধিকাৰ কৰে।

Share This