এক লাখ প্ৰতিবাদকাৰীয়ে উত্তাল কৰিলে বেলগ্ৰেডৰ ৰাজপথ

dainik janambhumi March 17, 2025

ডিজিটেল ডেস্ক : ছাৰ্বিয়াত ৰে'লৱে ষ্টেছনৰ মূধচ খহি ১৫জন লোকৰ মৃত্যু হোৱাৰ প্রতিবাদত শনিবাৰে দেশখনৰ ৰাজধানী বেলগ্রেডত হাজাৰ হাজাৰ লোকে সমৱেত হৈ প্রতিবাদ সাব্যস্ত কৰে। ছাৰ্বিয়াৰ ইতিহাসত প্ৰথমবাৰৰ বাবে ইমান বৃহৎসংখ্যক লোকে প্রতিবাদ সাব্যস্ত কৰে। 

১ লাখতকৈ অধিক লোকে এই ঘটনাৰ প্ৰতিবাদত চৰকাৰৰ বিৰুদ্ধে প্রতিবাদ সাব্যস্ত কৰে। উল্লেখযোগ্য যে বিগত বৰ্ষৰ নৱেম্বৰ মাহত এই ৰে'ল ষ্টেছনৰ মূধচ খহি যোৱাৰ ঘটনাটো ঘটিছিল আৰু ইয়াক লৈয়ে দেশখনৰ জনসাধাৰণ চৰকাৰ আৰু ৰাষ্ট্ৰপতি আলেকজেণ্ডাৰ ভুচিকৰ দুৰ্নীতিৰ বিৰুদ্ধে সৰৱ হৈ উঠে। 

প্রতিবাদকাৰীসকলে ৰাষ্ট্ৰপতি ভুচিকৰ দুর্নীতিয়ে ঘটনাটোত লোকসকলৰ প্ৰাণ ল'লে বুলি অভিযোগ কৰে। প্ৰগ্ৰেছিভ পাৰ্টিৰ ভুচিকৰ দুর্নীতিয়ে এটা দশকজুৰি দেশখনত প্ৰভাৱ পেলাই আহিছে বুলি প্ৰতিবাদকাৰীসকলে অভিযোগ কৰে।

Share This