ছবিগৃহলৈ আহি আছে ‘ভাইমন দা- এ ট্ৰিবিউট টু আছামিজ চিনেমা’

Kakali Deka April 01, 2025

ডিজিটেল ডেস্কঃ  অসমীয়া চলচ্চিত্ৰ জগতৰ এটি উজ্জ্বল নক্ষত্ৰ মুনিন বৰুৱা- যাক সকলোৱে মৰমতে সম্বোধন কৰিছিল ‘ভাইমন দা’ বুলি । ‘ভাইমন দা’ কেৱল এটা নামেই নহয়, অসমীয়া চলচ্চিত্ৰ জগতৰ এক সত্তা । অসমীয়া চলচ্চিত্ৰ জগতখনত খোজ পেলোৱা ভাইমন দাই পৰৱৰ্তী সময়ত পিতা-পুত্ৰ, পাহাৰী কন্যা, প্ৰভাতী পখীৰ গান, হিয়া দিয়া নিয়া, দাগ, নায়ক, কন্যাদান, বিধাতা, ৰং, বাৰুদ, দীনবন্ধু, ৰামধেনু, প্ৰিয়াৰ প্ৰিয়কে ধৰি সৰ্বমুঠ ১৪খন চিনেমা নিৰ্মাণ কৰি অসমীয়া ছবিজগতলৈ অনবদ্য অৱদান আগবঢ়াই থৈ গৈছে ।

জিল ক্রিয়েচনছৰ বেনাৰত আৰু শশাংক সমীৰৰ পৰিচালনাত নিৰ্মাণ কৰা হৈছে এই ছবিখন। ছবিখনত প্রায় ৩৬০জনতকৈ অধিক শিল্পীয়ে অভিনয় কৰিছে। ১২০টাতকৈ অধিক স্থানত শ্বুটিং কৰা হৈছে ছবিখনৰ দৃশ্যাংশ। মঙলবাৰে গুৱাহাটীস্থিত সূর্য ক্লাবত বিশিষ্ট অভিনেতা তথা পৰিচালক সঞ্জীৱ হাজৰিকা, ৰাজেশ ভূঞা, অনুপম শৰ্মা, গৰিমা শইকীয়া গাৰ্গ আৰু ছবিখনৰ কলা-কুশলীৰ উপস্থিতিত সংবাদমেল সম্বোধন কৰি মুক্তিৰ তাৰিখ ঘোষণা কৰা হয়। 

২০২৫ চনৰ ২৩ মে' তাৰিখে ছবিখন ৰাজ্যৰ প্ৰতিটো চিত্ৰগৃহৰ লগতে বেংগালুৰু, দিল্লী, মুম্বাইৰ লগতে কেইবাখনো ৰাজ্যত মুক্তি দিয়া হ'ব। I

 

 

উৎস প্ৰাগ নিউজ ডিজিটেল

Share This