ভোগেশ্বৰ বৰুৱা ৰাষ্ট্ৰীয় ক্রীড়া বঁটাৰ ট্ৰফী উন্মোচন

dainik janambhumi August 29, 2025

ডিজিটেল ডেস্ক : অসম অলিম্পিক সন্থাই বৃহস্পতিবাৰে গুৱাহাটীত ভোগেশ্বৰ বৰুৱা ৰাষ্ট্ৰীয় ক্রীড়া বঁটা ট্রফীৰ শুভ উন্মোচন কৰে। এই অনুষ্ঠানত ক্রীড়া মন্ত্রী নন্দিতা গার্লোছা, বক্সাৰ অংকুশিতা বড়ো আৰু অসম অলিম্পিক সন্থাৰ সাধাৰণ সম্পাদক লক্ষ্য কোঁৱৰ উপস্থিত আছিল। 

অর্জুন বঁটা বিজয়ী প্রথমগৰাকী অসমীয়া তথা প্রথম অসমীয়া ক্রীড়াবিদ হিচাপে ১৯৬৬ চনৰ বেংককত অনুষ্ঠিত এছিয়ান গেমছত সোণৰ পদক জয় কৰা ভোগেশ্বৰ বৰুৱাৰ সন্মানত অসম অলিম্পিক সন্থাই ৰাষ্ট্ৰীয় পৰ্যায়ৰ বঁটা প্ৰৱৰ্তন কৰিছে। এই ৰাষ্ট্ৰীয় বঁটা প্ৰতি বছৰে প্ৰদান কৰা হ'ব আৰু নতুন প্ৰজন্মৰ ক্ৰীড়াবিদসকলক বিশেষকৈ প্ৰেৰণা যোগোৱা হ'ব।

 প্ৰথমবাৰৰ এই বঁটা প্রদান অনুষ্ঠান অহা ৩ ছেপ্টেম্বৰত ভোগেশ্বৰ বৰুৱাৰ জন্মদিনৰ দিনা গুৱাহাটীত অনুষ্ঠিত হ'ব। বঁটা প্রদান অনুষ্ঠানত ভাৰতীয় এথলেটিকছৰ কিংবদন্তি স্প্রিন্টাৰ পি টি ঊষা বিশিষ্ট অতিথি হিচাপে উপস্থিত থাকিব।

Share This