আপোনাৰ ডিঙি ক'লা পৰিছে নেকি? তেন্তে কৰক এইসমূহ কাম

Rashmi May 13, 2025

ডিজিটেল ডেস্ক : বৰ্তমান সময়ত নিজৰ সৌন্দৰ্যৰ ওপৰত সকলোৱে মনোনিবেশ কৰে। মুখমণ্ডলৰ সৌন্দৰ্য বঢ়োৱাত ব্যস্ত হৈ অধিকাংশই শৰীৰৰ বাকী অংশৰ যত্নৰ বিষয়ে পাহৰি যায়। আমি প্ৰতিদিনে পুৱা আৰু গধূলি মুখখন ফেচৱাশ্বৰে ধুও কিন্তু ডিঙি চাফা কৰিবলৈ পাহৰি যাওঁ। প্ৰায়ে দেখিবলৈ পোৱা যায় যে, কোনো এগৰাকী পুৰুষ অথবা মহিলাৰ মুখখন জিলিকি আছে কিন্তু ডিঙিটো যথেষ্ট ক'লা। ক'লা ডিঙিয়ে কেৱল আপোনাৰ সৌন্দৰ্যই হ্ৰাস নকৰে, বহু ক্ষেত্ৰত ই আপোনাক লাজতো পেলায়। এতিয়া জানো আহক ঘৰুৱা প্ৰতিকাৰৰ দ্বাৰা কিদৰে ক'লা ডিঙি চাফা কৰিব পাৰি।

বেচনৰ পেষ্ট - বেচন, হালধি, নেমুৰ ৰস আৰু দৈ ভালদৰে মিহলি কৰি এটা ডাঠ পেষ্ট প্ৰস্তুত কৰক।ইয়াক ডিঙিত ভালদৰে প্ৰয়োগ কৰি ১৫-২০ মিনিটৰ বাবে শুকাবলৈ এৰি দিয়ক। সপ্তাহত ২-৩ বাৰ এনে কৰিলে পাৰ্থক্য নিজেই দেখিবলৈ পাব। এই পেষ্টটো নি‌য়মিতভাৱে ব্যৱহাৰ কৰিলে আপোনাৰ ক’লা ডিঙিটো নিশ্চিতভাৱে চাফা হ’ব ।

হালধি আৰু গাখীৰ - হালধি আৰু গাখীৰৰ দ্বাৰাও ডিঙি ক'লা আঁৰত কৰিব পাৰি । এই পেষ্টটো প্ৰস্তুত কৰিবলৈ এচামুচ গাখীৰ, এচামুচ হালধি আৰু এক চামুচ বেচন মিহলাই ডিঙিত লগাওক ।এই প্ৰক্ৰিয়াটো এসপ্তাহ ব্যৱহাৰ কৰিলে আপোনাৰ ডিঙি নিশ্চয় পৰিষ্কাৰ হ’ব ।

বাদাম তেল - এটুকুৰা কপাহ লৈ তাত কেইটোপালমান বাদাম তেল লওঁক আৰু ডিঙিত প্ৰয়োগ কৰক।কিছু সময়ৰ বাবে হাতেৰে ডিঙিটো মালিচ কৰক। কেইদিনমানৰ বাবে একেৰাহে এনে কৰিলে আপোনাৰ ডিঙিৰ ক'লা দাগ নাইকীয়া হৈ পৰিব।

এল’ভেৰা জেল - ডিঙিটো এল’ভেৰা জেলৰ সৈতে ৫ মিনিটৰ বাবে মালিচ কৰক।তাৰ পিছত ইয়াক ৩০ মিনিটৰ বাবে এৰি দিয়ক। ই ডিঙিৰ ক'লা আঁতৰ কৰে।

বিলাহী - বিলাহী ব্যৱহাৰ কৰিলেও ডিঙিৰ ক’লা দাগ আঁতৰাব পাৰিব ৷ ইয়াক ব্যৱহাৰ কৰিবলৈ চাৰি চামুচ গাখীৰ আৰু এটা গুড়ি বিলাহী ভালদৰে মিহলাই ডিঙিত লগাব ৷ তাৰ পিচত শুকাবলৈ এৰি দিব । শুকাই গ’লে ডিঙিটো পৰিষ্কাৰ পানীৰে ধুই দিব ৷ এই পেকটো সপ্তাহত দুবাৰৰ পৰা তিনিবাৰ ব্যৱহাৰ কৰিলে আপোনাৰ সমস্যাৰ সমাধান হ’ব ।

কেঁচা অমিতা - কেঁচা অমিতা পিচি লৈ গোলাপ জল আৰু এক চামুচ দৈ মিহলি কৰি এটা পেষ্ট প্ৰস্তুত কৰক। এই পেষ্টটো ডিঙিত প্ৰয়োগ কৰক আৰু ইয়াক কিছু সময়ৰ বাবে শুকাবলৈ দিয়ক।এনেদৰে সপ্তাহত কমেও এবাৰ কৰিবলৈ চেষ্টা কৰিব।

অপাৰেশ্যন সিন্দূৰৰ বিৰুদ্ধে মন্তব্য কৰাত অশোক বিশ্ববিদ্যালয়ৰ অধ্যাপকক জে’ললৈ প্ৰেৰণ