কংগোত ৭৭৩ নিহত, ২,২৮৮০ জন আহত 

dainik janambhumi February 03, 2025

ডিজিটেল ডেস্কঃ ৰাৱণ্ডা সমর্থিত বিদ্রোহী গোটে কংগোৰ পূব অঞ্চলৰ বৃহৎ চহৰ গোমা দখল কৰাৰ পাছৰে পৰা চলিত সপ্তাহত কমেও ৭৭৩জন লোকৰ মৃত্যু হয়। কংগোৰ চৰকাৰী কৰ্তৃপক্ষই প্রকাশ কৰা অনুসৰি, বিদ্রোহীবিলাকে অন্য অঞ্চললৈ অগ্ৰসৰ হোৱাৰ চেষ্টা কৰিছিল যদিও কংগোৰ সেনাই তেওঁলোকক দুৰ্বল কৰিবলৈ সক্ষম হয় আৰু বহুতো গাঁওবাসীক বিদ্রোহীৰ কবলৰ পৰা উদ্ধাৰ কৰে। কংগোৰ চৰকাৰী কৰ্তৃপক্ষৰ মতে, গোমাৰ মৰ্গ আৰু হস্পিটেলসমূহ হতাহত লোকেৰে ভৰি পৰিছে।co

এতিয়ালৈকে ৭৭৩জন লোকৰ মৃত্যু হৈছে আৰু কমেও ২,৮৮০জন লোক আহত হৈছে। কংগোৰ চৰকাৰী মুখপাত্ৰই প্ৰকাশ কৰা অনুসৰি, মৃতকৰ সংখ্যা বৃদ্ধি হ'ব পাৰে। আনহাতে, বিদ্রোহীবিলাকে চহৰখনত মৌলিক সুবিধাসমূহ পানী আৰু বিদ্যুৎ যোগান পুনৰ প্ৰদান কৰাৰ প্রতিশ্রুতি দিয়াৰ পাছত শনিবাৰে গোেমালৈ শতাধিক বাসিন্দা ঘূৰি আহিছে। দেশখনৰ ১০০টা সশস্ত্র গোটৰ ভিতৰত আটাইতকৈ শক্তিশালী বিদ্রোহী গোট, এম ২৩-এ কংগোৰ খনিজ সম্পদত চহকী গোেমা চহৰ দখল কৰাৰ পাছতেই এই ভয়াৱহ ঘটনাসমূহ সংঘটিত হৈছে। আনহাতে, চুবুৰীয়া ৰাৱণ্ডাৰ পৰা অহা ৪০০০ সেনাই বিদ্রোহী গোটটোক সমর্থন দিছে।

Share This