আমেৰিকাত আৰম্ভ হ'ল ট্ৰাম্পৰ শাসন

Kakali Deka January 21, 2025

ডিজিটেল ডেস্ক : শপতগ্ৰহণৰ পাছতে ট্ৰাম্পৰ কেইবাটাও গুৰুত্বপূৰ্ণ সিদ্ধান্ত। বাতিল বাইডেনৰ দিনত লোৱা ৭৮টা সিদ্ধান্ত। 

দ্বিতীয়বাৰৰ বাবে মাৰ্কিন যুক্তৰাষ্ট্ৰৰ ৪৭সংখ্যক ৰাষ্ট্ৰপতি হিচাপে ২০ জানুৱাৰীত শপত গ্ৰহণ কৰে ড’নাল্ড ট্ৰাম্পে।শপত গ্ৰহণৰ পাছতেই ট্ৰাম্পে গ্ৰহণ কৰে বহুকেইটা গুৰুত্বপূৰ্ণ সিদ্ধান্ত।ট্ৰাম্পে কাৰ্যভাৰ গ্ৰহণ কৰাৰ পাছতে বাতিল কৰিলে বাইডেনৰ দিনত লোৱা ৭৮টা সিদ্ধান্তৰ লগতে তৃতীয় লিংগ সন্দৰ্ভত এক ডাঙৰ সিদ্ধান্ত গ্ৰহণ কৰে ট্ৰাম্পে।

এই সন্দৰ্ভত ট্ৰাম্পে কাৰ্যকৰী নিৰ্দেশত স্বাক্ষৰ কৰিব বুলি জনায়।সিদ্ধান্তসমূহ ক্ৰমে বিশ্ব স্বাস্থ্য সংস্থা অৰ্থাৎ WHOৰ সদস্য পদত্যাগ আমেৰিকাৰ। পেৰিছ জলবায়ু চুক্তিৰ পৰাও আঁতৰিব আমেৰিকা। কেপিটল হিলছ আক্ৰমণৰ ১৫০০ অভিযুক্তক ক্ষমাদান। ফেব্ৰুৱাৰীৰ পৰা মেক্সিক’-কানাডাৰ ওপৰত ২৫ শতাংশ শুল্ক। ট্ৰাম্পে গালফ অব মেক্সিকোৰ নাম সলনি কৰি গালফ অব আমেৰিকালৈ সলনি কৰা আদেশত স্বাক্ষৰ প্ৰদান কৰে।আমেৰিকাত তৃতীয় লিংগক অমান্য ঘোষণা। আমেৰিকা-মেক্সিক’ সীমান্তক ৰাষ্ট্ৰীয় দুৰ্যোগ ঘোষণা। আঁতৰালে ‘টিক-টক’ৰ ওপৰত থকা নিষেধাজ্ঞা। ঔষধৰ মূল্য হ্ৰাসৰ নিৰ্দেশো সলনি কৰে ট্ৰাম্পে।প্ৰথম অৱস্থাত ৭৫ দিনলৈকে সময়সীমা বৃদ্ধি আদি।

আনহাতে, ড’নাল্ড ট্ৰাম্পৰ এই শপতগ্ৰহণ অনুষ্ঠানত দেশবিদেশৰ বিভিন্ন ক্ষেত্ৰৰ গণ্য-মান্য ব্যক্তি উপস্থিত থাকে।দ্বিতীয়বাৰৰ বাবে আমেৰিকাৰ ৰাষ্ট্ৰপতি হিচাপে শপত লৈ ড’নাল্ড ট্ৰাম্পে আমেৰিকাক লৈ অনাগত চাৰি বছৰৰ পৰিকল্পনা প্ৰকাশ কৰে।উল্লেখযোগ্য যে পৰম্পৰাগতভাৱে আমেৰিকাৰ ৰাষ্ট্ৰপতিয়ে ৱেষ্ট লনৰ মুকলি ঠাইত শপতগ্ৰহণ কৰাৰ সলনি এইবাৰ প্ৰচণ্ড শীতৰ বাবে ড’নাল্ড ট্ৰাম্পে কেপিটল হলতহে শপতগ্ৰহণ কৰে আৰু আমেৰিকাৰ সৰ্বোচ্চ ন্যায়ালয়ৰ মুখ্য ন্যায়াধীশ ড’নাল্ড ট্ৰাম্পক জন ৰবাৰ্টে শপত বাক্য পাঠ কৰায়।

Share This