প্ৰত্যক্ষ বিদেশী বিনিয়োগ নীতিত সংস্কাৰ সাধন হৈছে

dainik janambhumi February 13, 2025

ডিজিটেল ডেস্ক: দেশত বর্তমানলৈকে ৯০% প্রত্যক্ষ বিদেশী বিনিয়োগ স্বয়ংচালিত পথেৰে আহিছে। বাণিজ্য আৰু উদ্যোগ মন্ত্রী জীতিন প্রসাদে লোক সভাত এটা লিখিত উত্তৰত এই কথা প্রকাশ কৰে। তেওঁ কয় যে- প্রত্যক্ষ বিদেশী বিনিয়োগৰ বাবে স্বচ্ছ, অনুমেয় আৰু সৰল সর্বাত্মক নীতিৰ ব্যৱস্থা কৰা হৈছে।

প্ৰতিৰক্ষা, বীমা, পেট্রলিয়াম আৰু প্রাকৃতিক গেছ, দূৰসংযোগ আৰু মহাকাশকে ধৰি বিভিন্ন ক্ষেত্ৰত প্রত্যক্ষ বিদেশী বিনিয়োগ নীতিৰ সংস্কাৰ সাধন কৰা হৈছে বুলি উল্লেখ কৰি মন্ত্ৰী প্রসাদে কয় যে প্ৰতিৰক্ষা খণ্ডত স্বয়ংক্রিয় পথেৰে ৭৪% পর্যন্ত প্রত্যক্ষ বিদেশী বিনিয়োগৰ অনুমতি প্রদান কৰা হৈছে। পূর্বতে এই হাৰ ৪৯% আছিল বুলি সদৰী কৰি প্ৰসাদে প্রকাশ কৰে যে ২০২৫-২৬ বৰ্ষৰ কেন্দ্ৰীয় বাজেটত বীমা খণ্ডৰ বাবে থকা প্রত্যক্ষ বিদেশী বিনিয়োগৰ সীমা ৭৫% ৰ পৰা ১০০% লৈ বৃদ্ধিৰ প্ৰস্তাৱ দিয়া হৈছে।

Share This