জ্যোতিষশাস্ত্ৰঃ শনিবাৰে মন্দিৰৰ পৰা আপোনাৰ জোতা-চেণ্ডেল হেৰাইছে নেকি? যদি হেৰাইছে তেন্তে আপোনাৰ ভাল দিন আহিছে

Kakali Deka February 10, 2024

ডিজিটেল ডেস্কঃ মন্দিৰৰ বাহিৰত জোতা-চেণ্ডেল খুলি সকলোৱে ভগৱান দৰ্শনৰ বাবে মন্দিৰৰ ভিতৰত প্ৰৱেশ কৰে। কিন্তু বহু সময়ত মানুহৰ মনত এটা আশংকা থাকে যে তেওঁৰ চেণ্ডেল বা জোতা চুৰি হ’ব নেকি। যদি কোনো ব্যক্তিৰ জোতা-চেণ্ডেল শনিবাৰে চুৰি হয় তেন্তে তেওঁ দুখী হোৱাৰ পৰিৱৰ্তে সুখী হোৱা উচিত। জ্যোতিষশাস্ত্ৰৰ মতে মন্দিৰৰ বাহিৰৰ পৰা শনিবাৰে জোতা বা চেণ্ডেল চুৰি হোৱাটো অতি শুভ বুলি গণ্য কৰা হয়।

মন্দিৰৰ পৰা জোতা-চেণ্ডেল চুৰি হোৱাৰ অৰ্থ

জ্যোতিষশাস্ত্ৰৰ মতে শনিবাৰে মন্দিৰৰ বাহিৰত যদি কাৰোবাৰ জোতা আৰু চপ্পল চুৰি হয় তেন্তে তাৰ অৰ্থ হ’ল সেই ব্যক্তিজনে বেয়া সময়ৰ পৰা মুক্তি পাবলৈ গৈ আছে। একে সময়তে ব্যক্তিজনে দৰিদ্ৰতাৰ পৰাও মুক্তি পায়। ঋণ আদিৰ পৰাও মুক্তি পায়। 

কিয় ইয়াক শুভ বুলি গণ্য কৰা হয়

শনিবাৰে মন্দিৰৰ পৰা জোতা নিৰুদ্দেশ হোৱাটো শুভ বুলি বিবেচিত হয় কাৰণ ই শনিয়ে সৃষ্টি কৰা অসুবিধাৰ পৰা মুক্তি পোৱাত সহায় কৰে। চৰণত শনি বাস কৰে বুলি বিশ্বাস কৰা হয়। সেয়ে ভৰিৰ লগত সম্পৰ্কীয় হোৱাৰ বাবে শনিক জোতাৰ কাৰক হিচাপে গণ্য কৰা হয়।

জ্যোতিষৰ মতে চেণ্ডেল দান কৰিলে শনিদেৱৰ আশীৰ্বাদ পোৱা যায়। ৰাশিফলত শনিৰ বেয়া দশা চলিলে এজন ব্যক্তিৰ কামবোৰ নষ্ট হৈ পৰে। কোনো কামতে সহজে সফলতা নাপায়। এনে অৱস্থাত শনিবাৰে মন্দিৰত যদি কোনো ব্যক্তিৰ জোতা আৰু চেণ্ডেল চুৰি হয়, তেনেহ’লে ইয়াক শুভ চিন বুলি গণ্য কৰা হয়।

চামৰা আৰু ৰং দুয়োটা শনি দেৱৰ সৈতে সম্পৰ্কিত। জোতা-চেণ্ডেল মন্দিৰৰ পৰা চুৰি হ’লে শনিদেৱে এজন ব্যক্তিৰ দুখ-কষ্ট কমাই দিয়ে বুলি বিশ্বাস কৰা হয়।

Share This