পৰীক্ষাৰ সময়ত ছাত্র-ছাত্রীক খোৱাৰ ক্ষেত্ৰত কিদৰে যত্ন ল'ব?

Kakali Deka January 24, 2025

ডিজিটেল ডেস্ক: স্কুলত পঢ়ি থকা ছাত্র-ছাত্ৰীসকলে পৰীক্ষাৰ সময়ত ভাল ৰিজাল্টৰ বাবে যথেষ্ট কষ্ট কৰিবলগীয়া হয়। পৰীক্ষাৰ কেইদিনত পৰীক্ষাৰ্থীসকলৰ ওপৰত যথেষ্ট মানসিক চাপ পৰে। সেয়ে এই সময়খিনিত খাদ্যৰ ক্ষেত্ৰত গুৰুত্ব দিয়াটো অত্যন্ত জৰুৰী। সাধাৰণতে এই সময়ত এনে খাদ্য খাব লাগে, যিয়ে স্মৃতিশক্তি প্ৰখৰ কৰাত অৰিহণা যোগায়। স্মৃতিশক্তি ভালে ৰাখিবলৈ এনে কি খাদ্য খাব লাগে, জানো আহক-

১/ ষ্ট্ৰবেৰীয়েই হওক বা ব্লুবেৰী, ইয়াত আছে প্ৰচুৰ পৰিমাণে এণ্টিঅক্সিডেণ্ট। ইয়াৰ উপৰি বেৰীত বিভিন্ন ধৰণৰ উপাদান আছে, যিয়ে মস্তিষ্কক সক্রিয় আৰু সচল কৰি ৰখাত সহায় কৰে। ষ্ট্ৰবেৰী খালে স্মৃতিশক্তি প্ৰখৰ হয়। সেয়ে পৰীক্ষাৰ সময়ত সন্তানক বেছিকৈ খুওৱাটো আৱশ্যক।

 

২/ সন্তানক ডার্ক চকলেট খাবলৈ দিব লাগে, বিশেষকৈ পৰীক্ষাৰ সময়ত। ডার্ক চকলেটত প্ৰচুৰ পৰিমাণে পুষ্টিকৰ উপাদান পোৱা যায়। ডার্ক চকলেটত থকা ফ্লাভোনয়েড, এণ্টিঅক্সিডেণ্টে সন্তানৰ মন সক্রিয়, প্রফুল্লিত কৰি তোলে। ফলস্বৰূপে পঢ়াত মনোযোগ বৃদ্ধি পায়। মানসিক ক্লান্তি আৰু অৱসাদ দূৰ কৰাত ডার্ক চকলেটে মুখ্য ভূমিকা পালন কৰে।

 
৩/ সকলো বয়সৰ ছাত্র-ছাত্রীয়ে দিনে এমুঠি বাদামজাতীয় খাদ্য খোৱাটো উচিত। বাদাম, আলমণ্ড বা তেনেজাতীয় খাদ্যত যথেষ্ট পৰিমাণে ফেট, প্র'টিন, ফাইবাৰ পোৱা যায়, যিয়ে ছাত্র-ছাত্রীসকলক পঢ়া-শুনা কৰিবলৈ এলার্জীৰ যোগান ধৰে।

৪/ ব্রেইন বুষ্টিং হিচাপে কণীৰ তুলনা নাই। কণীত পোৱা ছেলেনিয়াম, ওমেগা-৩ আদি আমাৰ নার্ভ ভালে ৰখাৰ বাবে উপযোগী উপাদান। সেয়ে ছাত্র-ছাত্রীক দিনত এটাকৈ হ'লেও কণী খাব দিব লাগে।

৫/ ব্রাউন ৰাইচ, গোম আদি গোটা শস্যবোৰত প্ৰচুৰ পৰিমাণে ভিটামিন, গ্লুক'জ আদি পোৱা যায়। এইবোৰ খাদ্য খালে সঠিকভাবে মগজুৱে কাম কৰাত সহায় কৰে। তদুপৰি এইবোৰ খাদ্য এবাৰ খালে বহু সময় ধৰি ভোক নলগাকৈ থাকে আৰু শৰীৰক প্ৰচুৰভাৱে শক্তি যোগান ধৰে।
 

৬/ ব্রেকফাষ্টৰ কাৰণে প্ৰস্তুত কৰিবলৈ সকলোতকৈ সহজ খাদ্যবিধ হ'ল অ'টছ। ই পুষ্টিগুণেৰে ভৰা। আমাৰ মস্তিষ্কৰ বাবে অ'টছ অত্যন্ত প্রয়োজনীয়। ইয়াত থকা ভিটামিন-ই, পটাছিয়াম আৰু জিংক আদি উপাদানবোৰ পঢ়ি থকা ল'ৰা-ছোৱালীৰ বাবে অতি প্রয়োজনীয়। সেয়ে পৰীক্ষাৰ সময়ত ছাত্র-ছাত্ৰীসকলৰ খাদ্য তালিকাত নিয়মিতভাৱে‌ অ'টছ ৰাখিব লাগে।

Share This