বাঘৰ আতংকত বিনিদ্ৰ ৰজনী কটাবলগীয়া হৈছে বৰগোলাইৰ একাংশ ৰাইজে

Kakali Deka March 02, 2025

ডিজিটেল ডেস্ক: তিনিচুকীয়া জিলাৰ মাৰ্ঘেৰিটা সমজিলাৰ বৰগোলাইত দীৰ্ঘদিনৰ পৰা স্থানীয় ৰাইজৰ নিদ্ৰাহৰণ কৰিছে বনৰজাই ৷ বৰগোলাই গাঁও পঞ্চায়তৰ অধীনস্থ একাংশ লোকে বাঘৰ আতংকত বিনিদ্ৰ ৰজনী কটাবলগীয়া হৈছে।

আজি কেইমাহ মানৰ পূৰ্বে বৰগোলাই তেলখাদ বস্তিত পশুধন খোৱাৰ লগতে মানুহ আক্ৰমণ কৰি আহত কৰাৰ পাছত বন বিভাগে পিঞ্জৰা পাতি এটা বাঘ ধৰিছিল।

শেহতীয়াকৈ বৰগোলাই টিকা লাইনৰ জনবসতিপূৰ্ণ এলেকাত পশুধন মাৰি বাঘে আতংক সৃষ্টি কৰাৰ বাতৰি পোৱা গৈছে।

শিৱৰাত্ৰিৰ দিনা এটা গৰু মাৰি যোৱাৰ পাছত কালি সন্ধিয়া সাত মান বজাত এটা ছাগলী আক্ৰমণ কৰোঁতে স্থানীয় ৰাইজে চিঞৰ-বাখৰ কৰাত আদ বাটতে ছাগলীটো এৰি বাঘ পলাই যায়।

 

বাঘৰ এনে মুক্ত বিচৰণত আতংকিত হৈ পৰিছে স্থানীয় ৰাইজ । বন বিভাগক খবৰ দিয়াত আজি বনৰজাক ধৰিবৰ বাবে পিঞ্জৰা স্থাপন কৰে লেখাপানী আঞ্চলিক বনবিষয়াৰ কাৰ্যালয়ে ।

 

 

উৎসঃ প্ৰাগ নিউজ ডিজিটেল

Share This