সন্ত্রাসবাদীৰ কোঠাত নিঃসংগভাৱে ৰখা হৈছে ইমৰান খানক!

dainik janambhumi March 04, 2025

ডিজিটেল ডেস্ক: পাকিস্তানৰ কাৰাৰুদ্ধ প্রাক্তন প্রধানমন্ত্রী ইমৰান খানক ৰাৱালপিণ্ডিৰ বৃহৎ নিৰাপত্তাৰ আদিয়ালা কাৰাগাৰত মৃত্যুদণ্ডেৰে দণ্ডিতৰ বাবে থকা এটা কক্ষত নিঃসংগভাৱে ৰখা হৈছে। সোমবাৰে তেওঁৰ দলে এই দাবী কৰে। পাকিস্তান তেহৰীক-এ-ইনচাফ (পি টি আই)ৰ কেন্দ্ৰীয় তথ্য সম্পাদক শেখ ৱাকাচ আক্রমে এখন সংবাদমেলত এই দাবী কৰে। 

তেওঁ লগতে কয় যে খানক যি কক্ষত ৰখা হৈছে সেইটো সন্ত্রাসবাদীৰ বাবে ৰখা কোঠা। কেন্দ্রীয় তথ্য সম্পাদকজনে দাবী কৰে যে আইনে খানক অধিবক্তা আৰু পৰিয়ালৰ লোকক সাক্ষাতৰ অনুমতি দিয়া সত্ত্বেও তেওঁক ৰাজনৈতিক মিত্র তথা পৰিয়ালৰ লোককে ধৰি দৰ্শনাৰ্থীক সাক্ষাৎ কৰিবলৈ দিয়া হোৱা নাই।

Share This