বৃদ্ধি পালে LPG চিলিণ্ডাৰৰ দাম

Rashmi March 01, 2025

ডিজিটেল ডেস্ক : আজি অৰ্থাৎ মাৰ্চৰ প্ৰথম দিনটোতে বৃদ্ধি পাইছে LPG চিলিণ্ডাৰৰ দাম । LPG চিলিণ্ডাৰৰ দাম বৃদ্ধিক লৈ এতিয়া চিন্তিত হৈ পৰিছে গৃহিণী মহিলাসকল। সেই অনুসৰি ১৯ কিঃগ্ৰাঃ বাণিজ্যিক গেছ চিলিণ্ডাৰৰ দাম বৃদ্ধি কৰা হৈছে । তেল কোম্পানীবোৰে ৬ টকাকৈ LPG চিলিণ্ডাৰৰ দাম বৃদ্ধি কৰিছে । কিন্তু ঘৰুৱা গেছ চিলিণ্ডাৰৰ মূল্যৰ কোনো পৰিৱৰ্তন হোৱা নাই। দিল্লী, কলকাতা, মুম্বাই আৰু চেন্নাইত ১৯ কিঃগ্ৰাঃ বাণিজ্যিক গেছ চিলিণ্ডাৰৰ মূল্য ৬ টকা পৰ্যন্ত বৃদ্ধি পাইছে । 

দিল্লীত ১৯ কিঃগ্ৰাঃ বাণিজ্যিক চিলিণ্ডাৰৰ নতুন মূল্য হৈছে ১৮০৩ টকা। মুম্বাইত ১৭৫৫.৫০ টকাত বিক্ৰী কৰা হৈছে বাণিজ্যিক চিলিণ্ডাৰ । একেদৰে কলকাতাত আজিৰে পৰা ১৯ কিঃগ্ৰাঃ চিলিণ্ডাৰৰ দাম ১৯১৩ টকা হৈ পৰিছে ৷ চেন্নাইত বাণিজ্যিক গেছ চিলিণ্ডাৰৰ নতুন মূল্য ১৯৬৫.৫০ টকা।গুৱাহাটীত ১৯ কিঃগ্ৰাঃ চিলিণ্ডাৰৰ বৰ্তমান মূল্য ১,৯৯৭ টকা। ইয়াৰ বিপৰীতে ঘৰুৱা গেছ চিলিণ্ডাৰৰ মূল্যৰ কোনো পৰিৱৰ্তন হোৱা নাই বুলি জানিব পৰা গৈছে।

Share This