কুম্ভমেলাত ভাইৰেল হৈছে এগৰাকী মালা বিক্ৰেতা

Kakali Deka January 18, 2025

ডিজিটেল ডেস্ক: কুম্ভমেলাত চকুৰ যাদুকৰী ৰঙেৰে মুহিছে এগৰাকী যুৱতীয়ে। ভাইৰেল হৈছে এগৰাকী মালা বিক্ৰেতা। কিন্তু কোন এইগৰাকী মালা বিক্ৰেতা। কিয় সকলো সামাজিক মাধ্যমত ভাইৰেল হৈছে যুৱতীগৰাকী। কুম্ভমেলাত ভাইৰেল হৈছে এগৰাকী মালা বিক্ৰেতা।

মহাকুম্ভমেলা মানেই এক বিশাল আয়োজন। ঐতিহ্যৰে পৰা চলি আহিছে এই মেলা। এই মেলাৰ আছে বহু গুৰুত্বপূৰ্ণ তাৎপৰ্য। প্ৰতিবাৰে এই সময়ছোৱাত বিশ্বৰ বিভিন্ন প্ৰান্তৰ পৰা সাধু-সন্যাসীয়ে আহি এই মেলাত ভিৰ কৰে। এই মেলাতেই ভিন্ন ৰূপ-ভিন্ন বেশৰ মানুহৰ সমাৱেশ হয়। আটকধুনীয়াকৈ সজাই-পৰাই তোলা হৈছে মহাকুম্ভমেলাৰ বাকৰি। ১৩‌ জানুৱাৰীৰ পৰা আৰম্ভ হোৱা মহাকুম্ভমেলাৰ আজি ষষ্ঠ দিন।

ইতিমধ্যে এই মেলাত আই আই টি বাবা, খড়ানন্দ বাবাৰ পৰা চাহ বাবালৈকে কেইবাজনো বাবা ভাইৰেল হৈছে। এওঁলোকে সকলোৰে দৃষ্টি আকৰ্ষণ কৰিবলৈ সক্ষম হৈছে। ঠিক একেদৰে ভাইৰেল হৈছে এগৰাকী যুৱতী।এই যুৱতীগৰাকীয়েও সকলোৰে দৃষ্টি আকৰ্ষণ কৰিছে। উল্লেখ্য যে প্ৰয়াগৰাজৰ মহাকুম্ভত ভূপালৰ হৰ্ষ ৰিছাৰিয়াৰ পাছত এতিয়া মহাকুম্ভত মালা বিক্ৰী কৰা আটাইতকৈ ধুনীয়া ছোৱালী মনালিছাৰ ভিডিঅ' ছ'চিয়েল মিডিয়াত ভাইৰেল হৈ পৰিছে।

কুম্ভমেলাত মালা বিক্ৰী কৰা অৱস্থাত দেখা গৈছে এই শ্যামবৰণীয়া যুৱতীগৰাকীক। যুৱতীগৰাকীৰ হাতত দেখা গৈছে এটা ডাঙৰ বেগ, লগতে ভিন্নৰঙী মালা লৈ মেলাত ইফালে-সিফালে ঘূৰিছে যুৱতীগৰাকীয়ে। এই মালা বিক্ৰেতা যুৱতীগৰাকীক লৈ এতিয়া সামাজিক মাধ্যমত চলিছে তুমুল চৰ্চা। 
শ্যামবৰণীয়া এই যুৱতীগৰাকীৰ চকুত যেন এক যাদু আছে। চকুৰ মণিৰ ৰং দেখি আচৰিত সকলো। ইয়াৰ লগতে এই মালা বিক্ৰেতাৰ কথনশৈলীয়েও দৃষ্টি আকৰ্ষণ কৰিছে নেটিজেনৰ। জানিব পৰা মতে ইন্দোৰৰ এই যুৱতীগৰাকীৰ নাম মনালিছা। মনালিছাৰ হাঁহি আৰু চকুৰ চাৱনিয়েও মনৰ দুৱাৰত টোকৰ দিছে বহুজনৰ। সামাজিক মাধ্যমত এতিয়া যেন ‘নয়নৰ মণি’ মনালিছাৰ নয়নৰ প্ৰশংসাই বহুল চৰ্চা লাভ কৰিছে।

Share This