মচুৰ দাইল শৰীৰৰ বাবে কিমান উপকাৰী  জানো আহক

Kakali Deka February 07, 2025

ডিজিটেল ডেস্কঃ সাধাৰণতে খেতিয়কসকলে মুগ, মচুৰ, অৰহৰ, মটৰ আদি বিভিন্ন প্ৰকাৰৰ দাইল খেতি কৰে। আটাইকেইবিধ দাইলৰে পুষ্টিকৰ লগতে উপকাৰী গুণ আছে। তাৰ ভিতৰৰে মচুৰ দাইলৰ কি কি পুষ্টিকৰ গুণ আছে আমি বহুতেই নাজানো। বহু বছৰৰ আগৰে পৰা মচুৰ দাইল খাদ্যৰূপে গ্রহণ কৰিছিল। প্ৰথমে গ্রীচ, তাৰ পাছত পেলেষ্টাইন, তুর্কী আৰু তাৰ পাছত ক্রমে সমগ্ৰ বিশ্বতে মচুৰ দাইলৰ খাদ্য হিচাপে জনপ্রিয় হৈ পৰে। এইবিধ দাইল শৰীৰৰ পক্ষে কিমান উপকাৰী, সেই বিষয়ে কিছু বছৰ আগেয়েহে জনা যায়। গৱেষণাৰ জৰিয়তে জানিব পাৰে যে মচুৰ দাইলত শৰীৰৰ লাগতিয়াল বহুতো উপাদান পোৱা যায়। জনা মতে, এক কাপ মচুৰ দাইলত ১৮ গ্রাম প্ৰ'টিন পোৱা যায়। ইয়াৰ উপৰি ফাই বাৰেৰে পৰিপূৰ্ণ মচুৰ দাইলত।। কেলৰিৰ পৰিমাণ অত্যন্ত কম। মচুৰ দাইলত এনে কি গুণ আছে জানো আহক—

(১) গৱেষণাৰ পৰা গম পোৱা গৈছে যে মচুৰ দাইলত থকা ফাই বাৰে তেজত থকা বেয়া কলেষ্টৰেলৰ মাত্রা কমোৱাত বিশেষ ভূমিকা লয়। ফলত হার্ট এটেকৰ সম্ভাৱনা কমাৰ লগতে ষ্ট্ৰ'কৰ সম্ভাৱনাও কমে।

(২) মচুৰ দাইলত ফাইবাৰৰ উপৰি ফলেট, মেগনেচিয়াম পোরা যায়। এইবোৰে হার্টৰ কার্যক্ষমতা বৃদ্ধি কৰে। ফলত কোনোধৰণৰ হার্টত সমস্যা হোৱাৰ সম্ভাৱনা নোহোৱা হয়। উল্লেখ্য যে ফলেটে শৰীৰত হমোছিষ্টেনিনৰ মাত্রা কমায়।

(৩) প্ৰচুৰ পৰিমাণে ফাই বাৰ মচুৰ দাইল থকা বাবে হজমৰ সহায়ত এচিডৰ ক্ষৰণ বঢ়াই তোলে। ফলত বদহজম, গেছৰ সমস্যা আদি কমাই ৰাখে।

(৪) মচুৰ দাইলত থকা চলেব্‌ল ফাইবাৰে ব্লাড ছুগাৰৰ লেভেল নিয়ন্ত্রণ ৰখাত বিশেষ ভূমিকা গ্রহণ কৰে। ইয়াৰ বাবে ডায়েবেটিছ ৰোগৰ ভোগাৰ সম্ভাৱনা কমে।

(৫) মচুৰ দাইল খালে আমাৰ শৰীৰে ২৬ শতাংশ কেলৰি প্ৰ'টিন হিচাপে গ্রহণ কৰে। ফলত শৰীৰৰ বাবে প্রয়োজনীয় উপাদানৰ ঘাটি দূৰ কৰে। সেয়ে শৰীৰটো নানাবিধ ৰোগত আক্রান্ত হোৱাৰ আশংকা কমে।

(৬) মচুৰ দাইলত থকা কার্বহাইড্রেট, প্র'টিন, উপকাৰী খনিজ, ফাই বাৰে বহু সময় ধৰি পেটটো ভৰাই বাখে। ফলত কিছু সময়ৰ মূৰে মূৰে খোৱাৰ প্ৰৱণতা নাইকিয়া হয়। সেয়ে এবিধ দাইলে শৰীৰৰ ওজন হ্রাস উল্লেখনীয় অৰিহণা যোগায়।

Share This