স্বদেশত শেষবাৰলৈ খেলিলে মেছিয়ে

dainik janambhumi September 06, 2025

ডিজিটেল ডেস্ক : দেশৰ মাটিত সম্ভৱতঃ শেষবাৰলৈ ৰাষ্ট্ৰীয় দলৰ জাৰ্ছীৰে খেলিলে লায়নেল মেছিয়ে। সেই খেলখন আৰম্ভ হোৱাৰ আগেয়ে আর্জেন্টিনাৰ বিশ্বজয়ী অধিনায়ক মেছিৰ দুচকু চকুলোৰে ভৰি পৰিল। সেই আৱেগৰ চাপ অৱশ্যে খেলপথাৰত নপৰিল। 

মেছিয়ে দিয়া দুগ'লৰ জৰিয়তে ভেনিজুৱেলাৰ বিৰুদ্ধে বিশ্ব কাপৰ কোৱালিফায়িঙৰ খেলখনত আর্জেন্টিনা জিকিল ৩-০ ব্যৱধানত। ২০২৬ চনৰ বিশ্ব কাপলৈ ইতিমধ্যেই যোগ্যতা আহৰণ কৰা আর্জেন্টিনাই নিয়ম ৰক্ষাৰ যুঁজখনত ভেনিজুৱেলাৰ বিৰুদ্ধে মেছিয়ে ৩৯ মিনিটত দিয়া গ'লেৰে অগ্রগতি লাভ কৰে। 

খেলখনৰ ৭৬ মিনিটত লাউতাৰু মার্টিনিছে ব্যৱধান ২-০ কৰে। ইয়াৰ ৪ মিনিটৰ পাছত আর্জেন্টিনাৰ হৈ তৃতীয়টো গ'ল দিয়ে মেছিয়ে। নিজৰ দ্বিতীয়টো গ'লেৰে মেছিয়ে দলৰ জয় ৩-০ ব্যৱধানত নিশ্চিত কৰে।

Share This