মৰিগাঁৱত ১০৮ গৰাকী দিব্যাংগ শিশুৰ মাজত সঁজুলি বিতৰণ

Kakali Deka February 20, 2025

ডিজিটেল ডেস্কঃ সমগ্ৰ শিক্ষা মৰিগাঁৱৰ উদ্যোগত কপিলী শিক্ষাখণ্ডৰ জালুগুটিস্থিত খণ্ড সমল কেন্দ্ৰত আজি দিব্যাংগ শিশুসকলৰ মাজত বিভিন্ন সঁজুলি বিতৰণ কৰা হয়। 

মৰিগাঁও জিলাৰ কপিলী, মায়ং, ভূৰবন্ধা আৰু লাহৰীঘাট শিক্ষাখণ্ডৰ অন্তৰ্গত ১০৮ গৰাকী দিব্যাংগ শিশুৰ মাজত হুইল চেয়াৰ আৰু চলন-ফুৰণ সুকলমে কৰিব পৰা সঁজুলিৰ লগতে মানসিক বাধাগ্ৰস্ত শিশুৰ বাবে বিশেষ সঁজুলিৰ টোপোলা বিতৰণ কৰা হয়।

সঁজুলি বিতৰণ কাৰ্যসূচী আনুষ্ঠানিকভাৱে শুভাৰম্ভ কৰে মৰিগাঁৱৰ অতিৰিক্ত আয়ুক্ত(শিক্ষা)অনুসূয়া শৰ্মাই।  অনুষ্ঠানত মৰিগাঁও জিলাৰ বিদ্যালয়সমূহৰ পৰিদৰ্শক তথা জিলা প্ৰাথমিক শিক্ষা বিষয়া অপূৰ্ব ঠাকুৰীয়া, সমগ্ৰ শিক্ষা, মৰিগাঁৱৰ জিলা আঁচনি বিষয়া লক্ষীনন্দন শইকীয়া, কপিলী শিক্ষাখণ্ডৰ খণ্ড প্ৰাথমিক শিক্ষা বিষয়া বিজয় ক'ৰ প্ৰমুখ্যে সমন্বিত শিক্ষাৰ সমল ব্যক্তি সকলে অংশগ্ৰহণ কৰি দিব্যাংগ শিশুসকলক সঁজুলিসমূহ বিতৰণ কৰে।

Share This