পাকিস্তানত আত্মঘাতী বোমাৰুৰ আক্ৰমণ ,নিহত ১২জন , আহত ৩০জন

dainik janambhumi March 06, 2025

ডিজিটেল ডেস্কঃ উত্তৰ-পশ্চিম পাকিস্তানৰ খাইবাৰ পাখতুনখাৱা প্ৰদেশৰ বানু সামৰিক ঘাটিত মঙলবাৰে সন্ধিয়া দুটা আত্মঘাতী বোমাৰুৱে আক্ৰমণ কৰাৰ ফলত চাৰিটা শিশুসহ কমেও ১২গৰাকী লোক নিহত হয় আৰু ৩০গৰাকী লোক আহত হয়। 

আৰক্ষী সূত্ৰই সদৰী কৰা অনুসৰি, আক্ৰমণকাৰী আত্মঘাতী বোমাৰু দুটাৰ বিস্ফোৰক সামগ্ৰীৰে ভৰ্তি দুখন বাহনে সামৰিক ঘাটিটোৰ সীমাৰ দেৱালত খুন্দা মৰাৰ ফলত এই বিস্ফোৰণ সংঘটিত হয়। পাকিস্তানী তালিবান সন্ত্রাসবাদী গোট জৈছ অল ফুৰচানে এই আক্ৰমণ সংঘটিত কৰিছে বুলি স্বীকাৰ কৰিছে। 

আনহাতে, বাহন দুখনে সামৰিক ঘাটিটোৰ দেৱালত খুন্দা মৰাৰ পাছত পাঁচ-ছটা সন্ত্রাসবাদী কেণ্টনমেণ্টলৈ প্ৰৱেশৰ চেষ্টা কৰোঁতে সিহঁতক গুলীয়াই হত্যা কৰে নিৰাপত্তা বাহিনীয়ে। মুছলমানৰ পৱিত্ৰ মাহ ৰমজান আৰম্ভ হোৱাৰ পাছত এইটো হৈছে দেশখনত তৃতীয়টো সন্ত্রাসবাদীৰ আক্ৰমণ।

Share This