বিবাহপাশত আবদ্ধ হ’ল শচীনৰ পুত্ৰ অৰ্জুন টেণ্ডুলকাৰ আৰু সানিয়া চানধোক

Rashmi March 05, 2026

ডিজিটেল ডেস্কঃ ক্ৰিকেট জগতৰ ভগৱান হিচাপে পৰিচিত শচীন টেণ্ডুলকাৰৰ পুত্ৰ অৰ্জুন টেণ্ডুলকাৰ এতিয়া আনুষ্ঠানিকভাৱে বিবাহিত। দীৰ্ঘদিনীয়া বান্ধৱী সানিয়া চানধোকৰ সৈতে অৰ্জুনে জীৱনৰ নতুন ইনিংছ আৰম্ভ কৰিছে।

মুম্বাইৰ মহালক্ষ্মী ৰেচ ক'ৰ্চত অত্যন্ত জাকজমকতাৰে এই বিবাহৰ কাৰ্যসূচী সম্পন্ন হয়।

৩ মাৰ্চত এক ব্যক্তিগত অনুষ্ঠানৰ জৰিয়তে অৰ্জুন আৰু সানিয়াৰ মেহেন্দীৰ অনুষ্ঠান সম্পন্ন হৈছিল। ইয়াৰ পাছতে দুয়ো পৰম্পৰাগত ৰীতি-নীতিৰে বিবাহপাশত আবদ্ধ হয়। ছ'চিয়েল মিডিয়াত ইতিমধ্যে এই নৱ-দম্পতীৰ বিয়াৰ ফটোৱে ব্যাপক চৰ্চা লাভ কৰিছে।

অৰ্জুন টেণ্ডুলকাৰৰ পত্নী সানিয়া চানধোক এগৰাকী ম'ডেল তথা ছ'চিয়েল মিডিয়া ইনফ্লুৱেঞ্চাৰ। দীৰ্ঘদিন ধৰি তেওঁলোকৰ মাজত বন্ধুত্বৰ সম্পৰ্ক আছিল, যি এতিয়া বিবাহৰ ৰূপ পালে।

ক্ৰিকেট আৰু বলিউডৰ তাৰকাসকল

অৰ্জুনৰ এই বিশেষ দিনটোত ক্ৰিকেট আৰু গ্লেমাৰ জগতৰ বহুকেইগৰাকী বিশিষ্ট ব্যক্তিয়ে অংশগ্ৰহণ কৰে।

এম এছ ধোনী: টীম ইণ্ডিয়াৰ প্ৰাক্তন অধিনায়ক মহেন্দ্ৰ সিং ধোনীয়ে সপত্নীসহ বিবাহত উপস্থিত থাকি নৱ-দম্পতীক আশীৰ্বাদ দিয়ে।

মুম্বাই ইণ্ডিয়ানছৰ সতীৰ্থ: আই পি এলৰ ফ্ৰেন্সাইজি মুম্বাই ইণ্ডিয়ানছৰ বহু খেলুৱৈ আৰু বিষয়া এই অনুষ্ঠানত উপস্থিত আছিল।

পৰিয়াল আৰু বন্ধু: শচীন টেণ্ডুলকাৰ আৰু অঞ্জলি টেণ্ডুলকাৰৰ উপৰি নিকট আত্মীয় আৰু ঘনিষ্ঠ বন্ধু-বান্ধৱীৰ উপস্থিতিত এই বিবাহ সম্পন্ন হয়।

উল্লেখ্যযোগ্য যে অৰ্জুন টেণ্ডুলকাৰ বৰ্তমান গোৱাৰ হৈ ঘৰুৱা ক্ৰিকেট খেলি আছে। ইয়াৰ উপৰি তেওঁ আই পি এলত মুম্বাই ইণ্ডিয়ানছ দলৰ এজন গুৰুত্বপূৰ্ণ অলৰাউণ্ডাৰ। ক্ৰিকেট পথাৰৰ পৰা ক্ষন্তেক বিৰতি লৈ তেওঁ নিজৰ ব্যক্তিগত জীৱনৰ এই ডাঙৰ সিদ্ধান্তটো গ্ৰহণ কৰিছে।

প্ৰাগ নিউজ ডিজিটেল