পৰকীয়া প্ৰেমৰ বাবেই নৃশংস হত্যাৰ বলি হ’ল চিলাপথাৰৰ কংকন

Kakali Deka February 02, 2025

ডিজিটেল ডেস্কঃ শুকুৰবাৰে চিলাপথাৰৰ ৰাষ্ট্ৰীয় ঘাইপথৰ দাঁতিত উদ্ধাৰ হৈছিল কংকন ওৰফে সুমন দাস নামৰ এজন যুৱকৰ মুণ্ডশ্ছেদ কৰা মৃতদেহ ।
গাৰ নোম শিয়ৰি উঠা চিলাপথাৰৰ জলকীয়াসুঁতিৰ সেই ভয়ংকৰ হত্যাকাণ্ডৰ ন ন  তথ্য পোহৰলৈ আহিছে আৰক্ষীৰ তদন্তত । 

বৃহস্পতিবাৰে নিশা চিলাপথাৰৰ নিজৰ বাসগৃহৰ পৰা ডিব্ৰুগড়ৰ মোমায়েকৰ ঘৰলৈ বুূলি ওলাই গৈছিল কংকন ওৰফে সুমন দাস । 
ডিব্ৰুগড়ৰ মোমায়েকৰ ঘৰত উপস্থিত হৈ মামীয়েকৰ সৈতে কংকনে প্ৰত্যক্ষ কৰিছিল উত্তম সিনহাক। 

অভিযোগ অনুসৰি, মামীয়েকৰ সৈতে মৃত কংকনৰো আছিল প্ৰেমৰ অবৈধ সম্পৰ্ক। 
তাৰ পাছতেই আৰম্ভ হৈছিল উত্তম আৰু কংকনৰ মাজত সংঘাত, সেই সংঘাতেই কাল হৈছিল উত্তমৰ বাবে।

মামীয়েকৰ কোঠাৰ ভিতৰতেই দাৰে ঘপিয়াই উত্তমে শিৰশ্ছেদ কৰিছিল কংকন দাসক।
কেনেকৈ উত্তমে শিৰশ্ছেদ কৰিছিল কংকনক- সেই নৃশংস, ভয়ংকৰ শিহৰণকাৰী হত্যাকাণ্ডৰ বৰ্ণনা দিলে উত্তম সিনহাই ।

কংকনৰ শিৰশ্ছেদ কৰা মৃতদেহ নিশা প্ৰায় ৩ বজাত ট্ৰেক্টৰেৰে নি ৰাজপথত পেলাই দিছিল উত্তম সিনহাই।
নিজ মুখেৰেই সেই গাৰ নোম শিয়ৰি উঠা ঘটনাৰ এটাকৈ এটাকৈ বৰ্ণনা দিলে কংকনে।
ইতিমধ্যে আৰক্ষীয়ে গ্ৰেপ্তাৰ কৰিছে উত্তম সিনহাক।

সোধা-পোছা কৰিবলৈ আৰক্ষীয়ে আটক কৰিছে কংকনৰ মোমায়েক আৰু মামীয়েককো।

Share This