ৰাতি আপোনাৰ টোপনি নাহে নেকি ?টোপনি নহাৰ বাবে আপুনি সমস্যাত ভুগিছে? তেন্তে অনুসৰণ কৰক এইসমূহ নিয়ম।

Kakali Deka January 22, 2025

ডিজিটেল ডেস্ক: বৰ্তমান সময়ত সততেই বহুলোকৰ মুখতেই শুনা যায় অনিদ্ৰা বা পৰ্যাপ্ত টোপনি নোহোৱাৰ কথা।দুৰ্বল জীৱনশৈলী, চাপ আদিৰ বাবে যেন বহুলোকৰ ক্ষেত্ৰত অনিদ্ৰা স্বাভাৱিক হৈ পৰিছে।বৰ্তমান প্ৰায় শিশুৰ পৰা প্ৰাপ্তবয়স্কলৈকে সকলোৰে এটা হাতত ম'বাইল ফ'ন দেখিবলৈ পোৱা যায় ৷ আজিকালি মানুহ ম'বাইল ফ'নৰ প্ৰতি ইমানেই অভ্যস্ত হৈ পৰিছে যে গোটেই দিনটো ম'বাইল ফ'নতেই ব্যস্ত থাকে, যাৰ বাবে বহু সমস্যাৰ আশংকা বাঢ়ি যায় ৷ ইয়াৰে এটা সমস্যা হ’ল টোপনিৰ অভাৱ।ভাল টোপনিয়ে আমাৰ মন আৰু শৰীৰৰ সুস্থতা আৰু বিষমুক্ত কৰাত সহায় কৰে ৷

ভাল টোপনিৰ দ্বাৰা শাৰীৰিক আৰু মানসিক সমস্যাৰ পৰা হাত সাৰিব পাৰি ৷টোপনিৰ মান উন্নত নহ’লে বহু সমস্যাৰ সৃষ্টি কৰিব পাৰে । টোপনিৰ অভাৱত উদ্বেগ, হতাশা, মেজাজৰ দোলন আদি মানসিক সমস্যাৰ সৃষ্টি হ’ব পাৰে । ইয়াৰ উপৰি হৃদৰোগ, ডায়েবেটিছ আৰু ওজন বৃদ্ধিৰ দৰে শাৰীৰিক সমস্যাৰো সৃষ্টি হ’ব পাৰে ।

ভাল টোপনিৰ বাবে অনুকৰণ কৰক এইকেইটা টিপছ-

পুৱা সোনকালে উঠিবলৈ চেষ্টা কৰক। পুৱা ১০ৰ পৰা ১৫ মিনিট সময় সূৰ্যৰ তাপ লওক।এনে কৰিলে ৰাতি সোনকালে টোপনি আহিব ।

শান্ত আৰু এডোখৰ নিৰ্জন ঠাইত বহি‌ ধ্যান কৰক আৰু গভীৰ উশাহ লওক।এই প্ৰক্ৰিয়াটো আপুনি ৫ৰ পৰা ২০ মিনিটলৈকে কৰক। যদি আপুনি এইটো প্ৰতিদিনে কৰে, আপুনি দেখিব আপোনাৰ চাপ হ্ৰাস পাইছে।এনে কৰিলে আপোনাৰ টোপনি উন্নত হ’ব আৰু কোনো সমস্যা নোহোৱাকৈ আপুনি ৰাতি টোপনি যাব পাৰিব।

শুবলৈ যোৱাৰ দুইতিনি ঘন্টাৰ আগত চাহ,কফি জাতীয় সামগ্ৰী পৰিহাৰ কৰক।তাৰ বিপৰীতে শুবলৈ যোৱাৰ আগত এগিলাচ গৰম গাখীৰ খাব পাৰে ।

শুৱাৰ আগত ফ'ন বা টিভি ব্যৱহাৰ কৰাৰ পৰা বিৰত থাকক ।

শুবলৈ যোৱাৰ আগতে গা ধুব পাৰে । ইয়াৰ দ্বাৰা আপোনাৰ গোটেই দিনটোৰ ভাগৰ দূৰ হোৱাত সহায় হ’ব ।

ভৰিৰ মালিচ কৰক । এনে কৰিলে আপুনি উষ্ণ অনুভৱ কৰিব, আপোনাৰ মন আৰু শৰীৰে শিথিলতা লাভ কৰিব ।

শোৱাৰ আগতে নাকত ২ টোপাল ঘিউ দি শুব ।এনে কৰিলে আপোনাৰ টোপনি ভাল হ'ব।

দিনটো আৰম্ভ আৰু শেষ কৰাৰ আটাইতকৈ উত্তম উপায় হ’ল প্ৰাৰ্থনা । ইয়াৰ বাবে প্ৰাৰ্থনা কৰক ।

ভাল টোপনিৰ বাবে প্ৰতিদিনে ২০ মিনিটৰ বাবে যোগাভ্যাস কৰক। ই আপোনাৰ পেশীবোৰ শিথিল কৰে আৰু আপোনাৰ মগজু শীতল কৰি ৰাখে।