মানুহ পৃথিৱীৰ পৰা শেষ হৈ গ'লেও জীয়াই থাকিব এটা জন্তু। আপুনি জানিলে আচৰিত হ'ব।

Kakali Deka January 28, 2025

ডিজিটেল ডেস্কঃ বিজ্ঞানীসকলে পৃথিৱীৰ বিষয়ে বিভিন্ন প্ৰকাৰৰ তথ্য উপস্থাপন কৰি আহিছে। আনকি পৃথিৱীখন কেতিয়া ধ্বংস হ'ব সেই বিষয়ে যথেষ্ট তথ্য প্ৰকাশ কৰিছিল বিজ্ঞানীসকলে আৰু এতিয়া গৱেষকসকলে এটা অধিক সংবেদনশীল তথ্য প্ৰকাশ কৰিছে। পৃথিৱীৰ পৰা মানুহ শেষ হ'লেও জীয়াই থাকিব এটা জন্তুহে। এই জন্তুটোৱে খাদ্য আৰু পানী অবিহনে জীয়াই থাকিব পাৰে। 

গৱেষকসকলে দাবী কৰিছে যে সূৰ্যৰ ৰশ্মি শেষ নোহোৱালৈকে এই জন্তুটো সহজে মৰিব নোৱাৰে। ৩০২ ডিগ্ৰী ফাৰেনহাইট তাপ হওক বা -৪৫৭ ডিগ্ৰী ঠাণ্ডা হওক, একোৱেই এই জন্তুটোক ক্ষতি কৰিব নোৱাৰে। সেই জন্তুটোৰ আঠখন ভৰি। গৱেষকসকলে অনুমান কৰিছে যে ই ০.৫ মিলিমিটাৰলৈকে দীঘল হ'ব পাৰে।

এই জন্তুটোৰ নাম হৈছে "টাৰ্ডিগ্ৰেড", গৱেষকসকলৰ মতে সেয়া উতলা পানীত উতলাই দিয়া হওক বা ফ্ৰীজত ৰখা হওক, পৃথিৱীত যিয়েই নহওক কিয় কেৱল এই প্ৰাণীটোৱেই সাৰ পাই থাকিব। সেয়া আগ্নেয়গিৰিৰ বিস্ফোৰণ হওক বা পৃথিৱীৰ সৈতে আন এটা গ্ৰহৰ সংঘৰ্ষ হওক। আনকি সকলো সলনি হ'লেও জীয়াই থাকিব এই "টাৰ্ডিগ্ৰেড"।

Share This