এ+গ্রেড হেৰুৱাব বিৰাট-ৰোহিতে

dainik janambhumi December 12, 2025

ডিজিটেল ডেস্ক : ৰোহিত শর্মা আৰু বিৰাট কোহলীৰ গ্রেড সলনি কৰিব পাৰে বি চি চি আয়ে। ভাৰতীয় ক্রিকেট নিয়ন্ত্রণ ব'ৰ্ডৰ (বি চি চি আই) শীর্ষ পৰিষদৰ বাৰ্ষিক সাধাৰণ সভাত এই সম্পর্কত এটা সিদ্ধান্ত লোৱাৰ সম্ভাৱনা আছে। বি চি চি আইৰ বাৰ্ষিক সাধাৰণ সভাখন অনুষ্ঠিত হ'ব। সেই দিনাই ৰোহিত, (এ জি এম) অহা ২২ ডিচেম্বৰত কোহলীৰ লগতে ঘৰুৱা ক্রিকেটত মহিলা ক্রিকেটাৰৰ চুক্তিৰ বিষয়ে আলোচনা কৰা হ'ব। শীর্ষ পৰিষদৰ এ জি এম অনলাইন হ'ব। 

এই বৈঠকতে ৰোহিত আৰু কোহলীৰ কেন্দ্রীয় চুক্তিৰ সম্পর্কত সিদ্ধান্ত লোৱা হ'ব। বৈঠকত এইটো গুৰুত্বপূর্ণ বিষয় হ'ব। উল্লেখযোগ্য যে বি চি চি আইৰ কেন্দ্ৰীয় চুক্তিত ৰোহিত আৰু কোহলী বর্তমান এ প্লাছ গ্রেডত আছে। কিন্তু দুয়ো টেষ্ট আৰু টি-২০ৰ পৰা অৱসৰ লৈছে আৰু কেৱল এদিনীয়া মেচত খেলি আছে। সেয়েহে তেওঁলোকক শীর্ষ গ্ৰেডৰ পৰা বাহিৰ কৰাটো নিশ্চিত। তেওঁলোকৰ স্থানত শুভমন গীল, ঋষভ পন্ত আৰু কে এল ৰাহুলক এ+ গ্রেডলৈ পদোন্নতি দিয়াৰ সম্ভাৱনা আছে। বৈঠকত মহিলা ক্রিকেটাৰক ঘৰুৱা ক্রিকেটত পুৰুষৰ সৈতে সমান মাননি দিয়াৰ প্ৰসংগটো এক সিদ্ধান্ত লোৱাৰ সম্ভাৱনা আছে। উল্লেখযোগ্য যে আন্তঃৰাষ্ট্ৰীয় পর্যায়ৰ মেচত পুৰুষ আৰু মহিলা খেলুৱৈক সম পৰিমাণৰ মাননি দিয়া হয়, কিন্তু ঘৰুৱা ক্রিকেটত এই ব্যৱস্থা এতিয়াও প্রযোজ্য কৰা হোৱা নাই। 

উল্লেখযোগ্য যে অলপতে ভাৰতীয় মহিলা ক্রিকেট দলটোরে বিশ্ব কাপ জয় কৰাৰ পাছত তেওঁলোকৰ ঘৰুৱা ক্রিকেটত মাননি বৃদ্ধি কৰাৰ দাবী সবল হ'বলৈ ধৰিছে। এনে অৱস্থাত ব'ৰ্ডৰ বৈঠকত এই দাবী মানি লোৱাৰ পূর্ণ সম্ভাৱনা আছে। ইয়াৰ উপৰি ঘৰুৱা ক্রিকেটত আম্পায়াৰ আৰু মেচ ৰেফাৰীৰ মাননিৰ গাঁথনিও সলনি হোৱাৰ সম্ভাৱনা আছে। বি চি চি আইৰ ডিজিটেল প্রপার্টি, ষ্ট্ৰীমিং বাইট আৰু ৱেবছাইট আপগ্রেডৰ সম্পর্কতো সিদ্ধান্ত লোৱা হ'ব বুলি কোৱা হৈছে। উল্লেখযোগ্য যে বি চি চি আইৰ বিষয়ববীয়া সলনি হোৱাৰ পাছত এইখন হ'ব প্রথম এ জি এম।

Share This